СУ ҚҰБЫРЛАРЫНЫҢ 56 ПАЙЫЗЫ ШІРІГЕН

«Су ресурстары Маркетингі» мекемесі соңғы жарты жылда атқарылған жұмыстар бойынша есеп берді. Мекеме басшысы Анарбек Орманның айтуынша қаладағы су құбырларының 56 пайызы шіріген. Жаңартуға инвесторлар қажет. Ал су саласындағы қызметкерлердің жалақысы 160 мың тг-ні құрайды. Өзге де ақпараттар туралы келесі сюжеттен көріңіз.
«Су ресурстары Маркетингі» ЖШС Шымкент қаласының тұрғындарын 25 жылдан бері сапалы ауыз сумен үздіксіз қамтып келеді. Сонымен қатар, сарқынды суларды тазартумен айналысады және су бұру бойынша қызмет көрсетеді. Ағымдағы жылдың 6 айында жасалған жұмыстар бойынша есеп беру мақсатында әкімдік қызметкерлерін, депуттар мен тұрғындарды жинап кездесу өткізді. 1 млннан астам тұрғын тұтынатын бұл ауыз суға тек 3 елді мекен ғана қол жеткізе алмай келеді. Десек те биыл Сайрам тұрғындарына сапалы ауыз су толықтай беріледі деп жоспарлануда. Сонымен қатар қала ішіндегі ескірген құбырларды жаңарту барысында да белсенді жұмыстар жүруде. Ал, кәріз жүйесін тазалау қондырғысының қуаттылығын 2024 жылы арттыру жоспарлануда.
Су мекемесі цифрландыру жүйесіне көшу мәселесін қарастыруда. Бүгінде кәріз құбырларын тазартатын арнайы техникалармен толығыпты. Судың сапасына жиі анализ жасап, тексеруден өткізіп тұратын мамандар стандарттан ауытқыған жағдайда деркезінде ластанған құдықты тазартуға кіріседі.
Шымкент қаласында су тарифі 147,23 тенге/м3. Бұл өзге аудан қалалармен салыстырғанда екі есе арзан тариф. Алдағы уақытта тарифті тағы 15% арзандату қарастырылуда екен. Бірақ бұл әзірге мүмкін болмай тұр дейді мекеме басшысы.
Биыл «Су ресурстары маркетингі» жарты жылда 5 млрд 372 млн табысқа қол жеткізсе,оның 4 млрд 112 млн теңгесі шығындарға жұмысалған. Әсіресе инженерлік бағытқа көп қаржат кетірілген.
Тозығы жеткен құбырларды жаңарту қалада өте баяу іске асуда. Бұған тариф бағасының төмендеуі де әсер етеді. 2002 жылы шіріген құбырлар 62% болса. Бүгінде 56% ға ғана төмендеген. Бұлай жалғаса берсе Шымкент тұрғындары сусыз қалуы мүмкін деп дабыл шағуда мамандар.
Жиын соңында қоғам белсенділері сұрақ қойып көкейдегі сауалдарына жауап алды.

Айғақ-ақпарат