OPEN API — жаңа мүмкіндіктерге жол ашады

Енді “TOLEM” жүйесі арқылы бас қаланың қоғамдық көліктерінде де жүре аласыз. Алдағы уақытта бұл қосымша арқылы тек автобустарда ғана емес, түрлі дүкен мен сауда үйлерінде де төлем жасай аласыз. Бұл туралы “Digital road” қауымдастығының төрағасы бүгінгі өткен брифингте мәлімдеді.

Үшінші мегаполисте IT саласын дамыту мақсатында алғашқы IT ассоциация «Digital road» құрылған болатын. Қазіргі таңда қауымдастық құрамында 25 IT компания және 500 жуық IT мамандары бар. Бірлестік құрамына осы саладағы жетекшілердің бірі TOLEM компаниясы да кіреді.

TOLEM компаниясы өзінің платформасындағы әртүрлі қызмет салаларын цифрландыруға және сервистерді жақсартуға жәрдемдесу мақсатында «Open API» озық технологиясын енгізуде. Компанияның серіктестері мен әзірлеушілері енді ашық API арқылы деректерге, компанияның мүмкіндіктеріне және қызметтеріне қол жеткізе алады. Осылайша компания халыққа қолайлы жағдай жасап, жаңа мүмкіндіктерге жол ашпақ. Цифрландыру басқармасының басшысы қала кәсіпкерлерін платформаға қосылып, тұрғындармен онлайн есеп айырысуға шақырды.

Шымкент қаласында тұрғындардың  62% TOLEM қосымшасын пайдаланады. Аталмыш жүйе қаламыздағы 150 мектепте, Астана қаласында 13 мектепте еңгізілген. Яғни, оқушылар асхана мен қоғамдық көлікте Төлем картасы немесе қосымшадағы динамикалық QR арқылы есеп айырысады.

Айғақ-ақпарат