Шымкентте соңғы бес айда өткізілген мәдени іс- шараларға миллионнан астам көрермен қатысқан. Бұл туралы Шымкент қаласы мәдениет, тілдерді дамыту және архивтер басқармасының басшысы Сакен Сейітханұлы баспасөз брифингінде мәлімдеді. Басқарма басшысы мәдениет саласы бойынша өзекті сұрақтарға жауап беріп, бес айда атқарылған іс-шаралар жөнінде айтып өтті.
–«Шымкент қалалық мәдениет үйі» концерттік ұйымында 2023 жылдың 5 айында жалпы 64 мәдени іс-шара ұйымдастырылып, 188 мың 375 көрермен қамтылды. Кәсіби 6 театрда 598 репертуарлық қойылым қойылып, 101 мың 946 көрерменге артты.«Шымкент цирк» мекемесінде 28 қойылым өткізіліп, 15 мың 951 көрермен қатысты. Әдет-ғұрып және салт-дәстүр орталығында 74 экскурсия жүргізілді. Shymqala этноауылында 4 іс-шара ұйымдастырылып, оны 2 мың 102 көрермен тамашалаған. Көрме орталығында 36 мәдени іс-шара ұйымдастырылды. Сондай-ақ 6 кітапханада танымдық, тақырыптық, әдеби 761 іс-шара өткізілді,–деді С.Шәкеев.
Сондай-ақ BalaShym гала концерті «Орталық» саябақта 1 маусым күні жоғары деңгейде өткізіліп, 600-ден астам бүлдіршін басқарманың арнайы алғыс хатымен марапатталғанын атап өтті. Басқарма басшысының айтуынша, алдағы уақытта жаңа таланттармен жас дарындарды іздеу мақсатында кастингтер ұйымдастырылады.
