Қала көркіне үлес қосу және тұрғындардың эстетикалық талғамын арттыру, көше мен аула тазалығына ынталандыру масқатында ұйымдастырылған «Менің гүлді аулам» атты конкурс өз мәресіне жетті. Былтыр қазан айынан бері бақ сынаған аула басқарушылары мен тұрғындар қызықты сайысқа белсене кіріскен.
Мұның өзіндік шарттары да бар. Дәлірек айтсақ 1. Ауланы көгалдандыру, гүлзарлар мен сәндік ағаштар егу және оларды үнемі тазалап, бұталар мен ағаштарға уақытылы күтім жасау, кесу (отырғызылған гүлдердің 25 %-ы қызғалдақ болуы қажет және қызғалдақ жанында көпжылдық гүлдер отырғызылу қажет);
- Тұрғындардың аула аумағында көгалдандыру, абаттандыру, тазалық пен тәртіп сақтау, сенбілік жасау, ауланы эстетикалық безендіру жұмыстарына белсене қатысуы;
- Құрғақ және зақым келген ағаштардың болмауы;
- Абаттандыру (аула аумағын сырлау, бояу, кіре-берістің (подъезд) жағдайына да мән беру және т.б);
- Фестивальдің жалпы тақырыбын ашу;
- Аумақта атқарылған жұмыстар бойынша презентация және әлеуметтік бейнеролик;
- Дизайнын әрлеуде креативті тәсілдер қолдану;
- Суару жүйесі мен гүлзарларға күтім жасаудың оңтайлы шешімін табу;
- Минералды тыңайтқыштарды қолдану;
- Жалпы сметалық шығыс.
Өткен жылдың қазан айында басталған шараның шарттарын орындап есік алдын алуан түрлі гүлдермен, ерекше дизайнерлік ландшафтпен көмкерген 91 аула қатысушыларынан іріктеліп 31 үздік аула жүлделі орынға ие болды.
Бағбандардың еңбегін бағалаған қазылар алқасы жүлде қорына өзгеріс енгізіп, жүлделер санын арттырды. Нәтижесінде 9 аула-қатысушы – 1 миллион теңге; 6 аула-қатысушы – 500 мың теңге; 9 аула-қатысушы – 250 мың теңге; 6 аула-қатысушы – 150 мың теңге; 1 аула-қатысушыға – 100 мың теңгемен марапатталды.
Бастысы конкусқа қатысқан тұрғындар фестиваль шартына сәйкес – қаламыздың символына айналған қызғалдақ гүлінің егуді назардан тыс қалдырған жоқ. Конкурсқа қатысу арқылы қала жұртшылығы тазалықпен бірге өз аулаларын көгалдандыру жұмыстарына машықтанды.
Бүгінгі іс шара барысында мегаполис халқы орталық саябақта бас қосып, жүлдегерлердің марапатын тамашалады.
Мегаполис табиғаты мен тұрғындар үшін мәні мен мағынасы бар бұл байқау жыл сайын қолға алынбақ.
