ЖЕКЕМЕНШІК МЕКТЕП САЛЫП, МЕМЛЕКЕТТІК ТӨЛЕМ АЛУҒА БОЛАДЫ

Үшінші мегополис мектептерінде оқушы орындарының тапшылығы өзекті мәселе болып отыр. Сондай-ақ, студенттер жатақханасына да мұқтаждық жылдан жылға артып келеді. Аталған кемшіліктерді жою мақсатында мемлекет түрлі бағдараламаларды іске асыруда. Бұл ретте, жеке меншік мектептер мен студенттік жатақхана салуды қолға алған кәсіпкерлерге қаржылай төлем қарастырылып отыр. Мәселен, жатақхана салып, ондағы студенттер үшін  жеке кәсіпкер мемлекеттен жылына 67 млн теңге көлемінде төлем алу мүмкіндігіне ие болады. Бұл туралы Қаржы орталығы мен жеке кәсіпкерлер бас қосқан жиында айтылды. 

«Қаржы орталығы» Акционерлдік қоғамы»  өкілдерінің сөзінше,  төлем шарттарының бірнеше талаптары бар. Алдымен жатақханалар жеке кәсіпкердің өз қаражаты есеьінен салынуы тиіс. Ал мемлекеттік төлемдер құрылыс аяқталғаннан кейін онда тұратын студенттердің нақты санына қарай жүргізіледі. Бұл ретте, кәсіпкерге бір студент үшін жатақхана салу кезінде  6 жыл ішінде жылына 195 айлық есептік көрсеткіш көлемінде мемлекеттік қаржы берілсе, қайта құру кезінде 8 жыл ішінде жылына 47 айлық есебінде төлем қарастырылған,  Сондай-ақ, 6 жыл ішінде кәсіпкер жаңа студенттік жатақхана салуға бір студент үшін 4 млн теңге төлем ала ала алады. Одан бөлек, Жеке меншік мектеп салып, ондағы оқушылар үшін де  төлем алуға болады. Жеке кәсіпкерге  мектеп құрылысына 1 оқушы үшін 8 жыл ішінде жылына 96 айлық есептік көрсеткіш көлемінде, ал мектеп реконструкциясына 8 жыл ішінде 47 айлық есептік көрсеткіш көлемінде төлем қарастырылған. Сондай-ақ, кәсіпкер оқу ақысын өзі белгілеуге құқылы. Алайда, қазақстандық оқыту нысаны кезінде жылына 1200 айлық есептік көрсеткіштен, ал халықаралық оқыту нысаны кезінде оқу ақысы жылына 2400 айлық есептік көрсеткіштен аспауы шарт. Айта кетсек, жалпы Шымкент қаласы бойынша бүгінде мектептерде 27 931 орын тапшылығы бар. Ал студенттер жатақханасына деген мұқтаждық 1485 орынды құрап отыр. Аталған бағдарлама өз кезегінде аталған кемшіліктерді жоюға бағытталып отыр.