ҚОҒАМДАҒЫ ӘЙЕЛ РӨЛІ АЙШЫҚТАЛДЫ

Келесі айда әйелдер қанатының концепциясы қабылданады. Бұл жайында ҚР парламенті мәжілісінің депутаты Жұлдыз Сүлейменова Шымкетте өткен форумда мәлімдеді. Оның айтуынша бұл арқылы қоғамдағы нәзік жандыларға қатысты мәселелер жан-жақты сараланып, үкіметпен ойласу арқылы жүйелі шешімін таппақ.

«Әйел — бір қолымен бесікті тербетсе, екінші қолымен әлемді тербетеді» деген аталы сөз бар. Расында отбасыдан бөлек, іскерлігін шыңдап, сан алуан кәсіпті меңгерген нәзік жандылар ел экономикасының дамуына сүбелі үлесін қосуда. Осыған орай қаламызда ауқымыды шара бастау алды. «Әйелдің ел дамуындағы рөлі» атты тақырыпты арқау еткен игі іс бұрымдылардың қазіргі қоғамдағы орнын айшықтап, әлеуметтік мәселелерге қозғау болмақ.

Бір жылдан аса ел ісіне араласып жүрген мәжілісмен Жұлдыз Сүлейменованың айтуынша алдына келген қыз-келіншектер өтінішінің басым бөлігі — әлеуметтік мәселе екенін жеткізіп ағынан жарылды. Оның айтуынша осыдан үш апта бұрын асыраушысынан айырлған әйелдер өз мәселелерін даулап, дабыл қаққан. Осы түйткілді шешуге депутаттың өзі партия аманатын арқалап үкіметпен бел шеше кіріскен. Нәтижесінде нәзік жандылар жеңілдіктерге ие болып, өз мүмкіндіктерін арттырған.

Мегаполисіміздің іскер ханымдары да ауқымды шарадан шеткері қалмай форумға қатысты. Соның бірі Жанетта Жазықбаева. Оның айтуынша қоғамдағы өзекті мәселелер форумда ашық талқыланып, шешу жолдары айшықталды.

Басқосуда әйелдерді саяси ілгерілету, шешім қабылдау деңгейіндегі нәзік жандылар іскерлігі үшін білім алу, ізденіс, еңбектену жолдары ортаға салынды.Сондай-ақ форумда елімізге белгі суретшінің туындылары қойылды. Онда әр саладағы бұрымдылардың еңбек жолы көрініс тапқан.