Мемлекет басшысы Қасым-Жомарт Тоқаевтың Шымкент жұртшылығымен кездесуінде сөйлеген сөзінен:
▪️ Шымкентті дамытуға 170 миллиард теңге қаржы бөлінді;
▪️ 1,5 триллион теңгеден астам инвестиция тартылды;
▪️ қала бюджеті 4 есе өсті;
▪️ қаладағы өнеркәсіп өнімі 65 пайызға артты;
▪️ аумағы 2,5 миллион шаршы метрден асатын тұрғын-үй салынды;
▪️ соңғы жылдары шағын және орта бизнестің жалпы өңірлік өнімдегі үлесі 40 пайызға жетті, осы салада 180 мыңға жуық адам жұмыс істейді;
▪️ соңғы кезде шаһарға іргелес жатқан 41 елді-мекен қосылды;
▪️ инженерлік инфрақұрылымның қуатын арттыруға 4 жылда республика бюджетінен 135 миллиард теңгеге жуық қаржы бөлінді;
▪️ жылдың соңына дейін 15 мың тұрғыны бар Құрсай аумағына ауыз су жеткізіледі;
▪️ Шымкентте 5 жылдың ішінде 101 мектеп салу жоспарланған;
▪️ қалада соңғы екі жылда 50 жекеменшік мектеп ашылды.
ПРЕЗИДЕНТ ТАПСЫРМАЛАРЫ:
- Орталық Азиядағы ең ірі нарықтың бірі – Ташкент агломерациясы іргемізде тұр. Сондықтан Шымкент барлық салада бәсекеге қабілетті болуы керек. Осыны ескере отырып, қаланың бас жоспарын келесі жылдың ортасына дейін қайта қарауды тапсырамын;
– Биыл 1 миллион шаршы метрден астам тұрғын-үй пайдалануға беріледі деп жоспарланған. Соның арқасында 9 мыңға жуық отбасы қоныс тойын тойлайды. Тұрғын-үй құрылысының қарқынын бәсеңдетпеу керек. Ең бастысы, оның бағасы жұртқа қолжетімді болуы қажет;
– Қаланың айналма жолын тұйықтайтын автожолды тезірек іске қосуды және жаңа әуежай терминалының құрылысын уақтылы аяқтауды;
- Соңғы кезде шаһарға іргелес жатқан 41 елді мекен қосылды, сол себепті инженерлік инфрақұрылымның қуатын арттыру қажеттігі туындады. Осы мақсатқа 4 жылда республика бюджетінен 135 миллиард теңгеге жуық қаржы бөлінді. Соның нәтижесінде ауыз су, электр қуаты және газ мәселесі біршама реттелді. Жылдың соңына дейін 15 мың тұрғыны бар Құрсай аумағына ауыз су жеткізіледі. Келесі жылы қала орталығынан шалғай орналасқан 2 елді-мекеннің су мәселесін толық шешуді тапсырамын.
- Қазір 8 елді мекенде сапалы электр жүйесі жоқ. Алдағы жылы бұл мәселені толығымен шешу қажет.
- Сондай-ақ тағы 8 елді мекенде газ мүлде жоқ. Үкімет пен әкімдікке бұл жерлерге газ жеткізу үшін қаржы бөлу мәселесін пысықтауды тапсырамын;
- Президент әлеуметтік инфрақұрылымды дамытуға назар аударды. Мемлекет басшысы қалада тағы бір оқушылар сарайы, Опера және балет театрының жаңа ғимараты, демографиялық өсімді ескеріп тағы да бір перинаталды орталық салынуы қажеттігін жеткізді;
– Биыл кемінде 24 мың адамды жұмысқа орналастыру керек.
