Биыл Өзбекстан мен Қазақстан елдерінің дипломатиялық байланысына — 30 жыл! Осыған орай үшінші мегаполисте халықаралық конференция өтті. Жиында бауырлас елдердің достық қарым-қатынастары сөз болды. Сондай-ақ, Азияда ойып орын алатын Қазақстан мен Өзбекстан байланысының нығаюына Шымкенттің қаласындағы Достық үйінде «Қазақстан Халқы Ассамблеясының халықаралық қатынастарды дамытудағы рөлі» тақырыбымен алқалы отырыс өтті. Жиынға Қазақстан Халқы Ассамблеясы төрағасының бірінші орынбасары Марат Әзілханов және Өзбекстан Республикасы министрлер кабинеті жанындағы ұлтаралық келісімі және шетел мемлекеттерімен достық байланыстары комитеті төрағасының орынбасары Азамат Ташев бастаған азаматтар қатысты. Басқосуда қос елдің 30 жылдық дипломатиялық байланысы мен 30 жылдық тату да достық қатынастары туралы қозғалды. Және бұл күннің екі мемлекет үүшін мереке болып саналатын айтылды. Бұл тұста Қазақстан халқы ассамблеясы төрағасының бірінші орныбасары Марат Әзілханов Өзбестаннан арнайы келген қонақтарға ілтипатын айтып, дипломатиялық байланыстың тарихына тоқталды. Сондай-ақ, өз сөзінде екі елдің іскерлік байланысынң нығабының арқасында қос мемлекетте тауар айналымының көлемі 27 пайызға артқанын тілге тиек етті.
Бауырлас, көршілес халықтар арасындағы тарихи достықтың тамыры тереңде. Өзбекстан мен Қазақстанның байланысына 30 жыл ішінде ешқандай сызат түскен жоқ. Жиынға Өзбекстаннан келген делегаттардың қарасы қалың. Олар дипломатиялық байланыстың 30 жыл толуын мерейлі мереке деп қабылдады. Бұл тұста қос мемлекет алдағы уақытта байланыс пен қарым-қатынасты нығайтуды одан әрі арттырамыз, — деп сөз байласты екі жақ.
