3-ші мегаполисте «Шымкент марафон-2022» шарасы өтті. Эстафеталық сайысқа еліміздің түкпір-түкпірі мен алыс-жақын шетелден келген 5 мыңға жуық спорт жанкүйерлері қатысып, бақтарын сынады. Спортсүйгіш жандардың басын қосатын бұл ауқымды жоба шаһарымызда осымен 5-ші рет өткізіліп отыр.
Бұқаралық жүгіру сайысына келгендердің бүгінгі бабы ерекше. Себебі мұнда салауатты өмір салтын ұстанатындар, нағыз спорт жанкүйерлері бәйгеге түспек. Еліміздің өзге аймақтары мен Ресей, Өзбекстан, Тәжікістан және Қырғызстан сынды шет мемлекеттерден келген қатысушылар бақтарын сынап, жеңіс тұғырынан көрінуге ынталы. Сайыста жалпы барлық қауіпсіздік талаптары сақталған. Қатысушыларға қажетті техникалық және медициналық көмектер де әзір. Олар енді тек қана мәре сызығын алғашқы болып басып, жеңіс тұғырынан көрінуі қажет. Себебі жүлде қоры 11 миллион теңге. Сайысқа келгендер мұнда 5 км-лік бегиннер, 10 км-лік Раннер, және 21 км-ды құрайтын Халф-марафон, 42 км-лік марафон сондай-ақ, 5км-лік сканди сынды қашықтыққа жүгіру түрлерінен бәйгеге түседі. Спортшылар Әл-Фараби алыңынан бастау алып, Төлеген Айбергенов, Республика және Түркістан көшелері белгіленген сызба бойынша жүгіріп өтуі шарт.
Ұйымдастырушылардың айтуынша, эстафета қатысушылары бірнеше санат бойынша іріктелген. Атап айтқанда, 10 мен 15 жас аралығы, 16 мен 39, 40 пен 49 жас аралығы сонымен қатар 60 пен одан жоғары жастағылар болып бөлінген. Мұндағы басты себеп, спорт жанкүйерлерінің жас ерекшеліктеріне қарай күш-қуатын ескеріп, тең дәреже ойын көрсету. Бұл өз кезегінде эстафетаның әділ өтуіне кепілдік болмақ.
Сайыс қорытындысында мәреге бірінші жеткендерге қаржылай сыйлық табыс етілді. 42 км-ді бағындырған 1 орынғы 500 мың, 2-орынға — 400 мың, сондай-ақ 3-ші орын иесіне 300 мың теңге көлемінде сыйапат берілді. Және дәл осылай өзге де санат жеңімпаздарына құрмет көрсетіліп, түрлі көлемде марапат табысталды.
