ҰЛТ ЗИЯЛЫЛАРЫНЫҢ ЕҢБЕКТЕРІ КӨРМЕДЕ

Шымкентте Қазақстан халқы тілдері мерекесіне орай кітап көрмесі ұйымдастырылды. «TILTIME» жобасы аясында    5  қалалық кітапхана өзінің әдеби оқулықтарын көпшіліктің назарына ұсынып, ұлт зиялыларының еңбектерін наихаттады.

Елімізде кең көлемде атап өтілетін тіл мерекесі сонау 1998 жылы үкімет қаулысымен бекітілген болатын. Алғашқыда қыркүйек айының 22-ші жүлдызы болып белгіленіп, кейіннен 5-не ауыстырылды. Мақсат — «Ұлттың сақталуына да, жоғалуына да себеп болатын заттың қуаттысы -тіл» деп ұрандатқан ұлт ұстазы Ахмет Байтұрсынұлының туылған күнімен байланыстыру болды.  Міне, содан бері тіл жанашырының туылған күні мен Қазақстан халқы тілдері мерекесі қатар тойланып келеді. Бүгінде аталмыш мереке аясында, Қалалық кітапханалар ұжымы ұлт зиялыларының еңбектерін  Шаһар тұрғындарына ұсынып, әдеби оқулықтардың көрмесін ұйымдастырды.

«TILTIME» атауымен көпшілікке жол тартқан жоба аясында әрбір кітапхана ақындар еңбегіне шолу жасап, поэзиялық шығармалардын үзінді оқыды. Сондай-ақ, Саябаққа келушілерге тілдің мәртебесі мен тарихынан сыр шертіп, қадірлі мұраны сақтауға шақырды.

Айта кетсек, Шаһарымызда мемлекеттік тілдің қолдану аясын кеңейту мен тіл мәртебесін көтеру мақсатында аталған кітап көрмесі жыл сайын ұйымдастырылуда. Осыған орай, кезекті шараға арқау болған кітапхана ұжымдастары қала тұрғындарына рухани азықтың кілті кітап екенін жеткізіп, әдеби шығармаларды ұлт қазынасы ретінде бағалау қажет екенін тілге тиек етті.