Қалада жол инфрақұрылымын дамыту, жолаушылар тасымалдау қызметі сапасын арттыру бағытында жүйелі іс-шаралар жүргізілуде. Тиімді және бәсекеге қабілетті көлік инфрақұрылымын құру, транзитті және көлік қызметтерін дамыту, технологиялық және институционалдық ортаны жетілдіру арқылы экономикалық өсуге және ел халқының өмір сүру деңгейін арттыруға жәрдемдеседі. Сондай-ақ, туризм бағытында да қалааралық болсын, қалаішілік болсын көлік инфрқұрылымының маңызы жоғары еенін ескерсіек мегаполисте қатынайтын втобустардың заман талабына сай және уақтылы қатынауы кезек күттірмейтін мәселе. Қоғамдық көлік бағыттары кезең-кезеңімен жаңа автобустармен толығып, жол жөндеу жұмыстары жоспарға сәйкес атқарылуда. Бұл туралы қалалық жолаушылар көлігі және автомобиль жолдары басқармасының басшысы Ержан Жолдасов @akimat_shymkent инстаграм парақшасында өткен тікелей эфир барысында айтты.
Жалпы мемлекет тарапынан қабылданып жатқан бағдарламалардың басты міндеттері көлік инфрақұрылымы субъектілері мен тасымалдаушылардың экономикалық тиімділігі мен бәсекеге қабілеттілігін арттыру. Бұл бағытта басқарма басшысы халыққа жайлы ортаны қалыптастыру мақсатында тасымалдаушыларға талап күшейтілетінінжеткізді.
«Шымкент қаласындағы қоғамдық көлік компанияларына қойылатын басты талап – бәсекеге қабілетті болу. Қазіргі таңда жолаушылардың талабын орындамайтын тасымалдаушылармен келісімшарт бұзылады. Шаһарда автобустарды жаңартып, аралық интервалды сақтау, қала тұрғындарына қолайлы жағдай жасау талап етілуде. Сонымен бірге, субсидия алатын тасымалдаушыларға да талап күшеюде. Қазір шалғайдағы барлық елдімекендер жаңа автобустармен толық қамтылды. Қазір бәсекенің, нарықтың заманы»,-деді басқарма басшысы.
Мәселен бүгінде қызмет көрсету сапасы жолаушылардың көңілінен шықпаған «Бек-Сервис» және «MAN Оңтүстік» компанияларымен келісімшарт біржақтама бұзылды. Себебі жолаушылар тарапынан, ауа баптағышы жоқ, интервал сақталмайды, автобус ескі деген мәселелер көтерілген болатын.
Жаңа автобустар кезең-кезеңімен жаңартылып, қалада жаңа аялдамаларды орнату жұмыстары қолға алынған. Қалада 1886 аялдама орны болса, 442-не аялдама жетіспейді. Соның бәрі кезең-кезеңімен ауыстырылады. 2021-2025 жылға арналған даму жоспарына сәйкес, 5 жылда 1050 аялдама қою жоспарланып отыр. Бүгінге дейін 670 жаңа аялдама қойылды. Бес жылда аялдамаларды жаңарту 83 пайызға жетпек. Жалпы жыл басынан бері басқарма тарапынан қала бойынша 63 аялдама демонтаж жасалып, шалғайдағы елдімекендерге орнатылды.
Халық пен билік тығыз қарым-қатынас жасау арқылы қордаланған мәселелерді шешуді ұсынған Президент «Халық үніне құлақ асатын мемлекет» жобасын жүзеге асыруды тапсырған болатын. Эфир барысында тұрғындар тарапынан осы бағыттағы сауалдар жолданды, сала жетекшісі әрбір сұраққа жеке-жеке жауап берді.