Отбасы өнегесі-Отан өнегесі. Шымкентте отбасы құндылықтарын насихаттау мақсатында “Отбасы Fest” байқауы өтті. 2200 жылдық тарихы бар шырайлы Шымкентте қала күні қарсаңында қалалық мәдениет үйінің ұйымдастыруымен отбасы құндылығын дәріптейтін фестиваль өз мәресіне жетті. Мақсаты- өнерлі жанұяларды анықтап, ата-анамен ұл-қыздың арасындағы сүйіспеншілікті ояту, өскелең ұрпақты патриотизмге тәрбиелей отырып, эстетикалық талғамды қалыптастыру.
Өз өнерлерімен жиылған көпшілікті тәнті еткен 16 отбасының қатарында жұлдызды жанұялар болды. Сайыскерлердің жас мөлшерінде шектеу жоқ. Олар 3 түрлі кезең бойынша бақ сынасты. Әуелі өз отбасын таныстырса, екінші кезең — әділ-қазылар алқасын өнерлерімен сүйсіндіру, ең соңғы бөлім — спорттық бәсеке болды.
