Қан тапсыр да, өзгеге өмір сыйла! Жастар орталығының және әкімдік мекемелерінің ұжымы осындай үндеумен қан тапсырды. Қашанда осындай игілікті іске атсалысып жүрген жастар көмекке мұқтаж жандарға қол ұшын созу,басты парызымыз-дейді. Акцияға 50 ден астам қызметкер қатысты. Дәрігерлер жалпы, ерікті донорлардың қатары көбейіп келе жатқандығын айтады.
«Өзгеге өмір сыйла, донор бол! Шымкенттік мемлекеттік қызметкерлер осындай акция аясында, игі іске бастамашы болды. Акцияның мақсаты — ұжымдық белсенділікті арттырып, қанға мұқтаж жандарға көмектесу. Ақ халаттылар қан тапсыруға келген азаматтарды толығымен тексеруден өткізеді. Денсаулығында кінәраты жоқ донорды қан алуға дайындайды. Айталық, жұқпалы және созылмалы аурулары бар науқастардан қан алынбайды. Қан беруші тұлғаның бойы 150см ден асуы, салмағы 55келіден жоғары болу талап етіледі.
2018 жылдан бері тұрақты түрде қан тапсырып келе жатқан Ерік Рүстемов өзгеге өмір сыйлауды басты парызым-деп, біледі. Демалыс күні болса да, біріншілердің бірі болып келген азамат, бұл айтулы шарадан қапы қалғысы келмейтініғ айтады. Донор болу арқылы, өз денсаулығының да едәуір жақсаратынын айтқан ол, бұдан кейін де қан тапсырып тұратындығын жеткізді.
Көмекке мұқтаж жандардың, ажал тырнағынан арашалауға алтын көпір болып отырған мекеме сонау 1937 жылдан бері қаламызда жұмыс жасап келеді. Ал заманау технология мен жабдықталған ғимарат ел игілігіне 2008 жылы берілген. Қазіргі таңда үздіксіз қызмет атқарып келе жатқан мекемеде 30 дан астам дәрігер 60шақты кіші қызметкерлер жұмыс жасайды. Аталмыш мекеменің қызметкерлері сайын түрлі акциялар ұйымдастырып, жастарды жақсы істің бастамасы болуға үндейді.
