ҚР ҚК 189-бабы 4-бөлігі бойынша бірнеше жекеменшік балабақшалардың иесі болып табылатын бір құрылтайшыға қатысты қылмыстық іс қозғалды, деп хабарлайды Шымкент қаласының Білім басқармасының баспасөз қызметі. Құрылтайшы 2019, 2020 және 2021 жылдар кезеңінде (оның ішінде пандемия кезеңінде) жалпы сомасы 45,7 млн. теңге бюджет қаражатын жымқыру күдігі бойынша мектепке дейінгі ұйымдардағы балалардың жан басына шаққандағы қаржыландыру шеңберінде көзделген мектепке дейінгі ұйымдарға келуінің электрондық табельдеріне дұрыс емес мәліметтер енгізу арқылы қаржы жымқырғаны анықталған.
Аталған қылмыстық іс бойынша Шымкент қаласы бойынша білім басқармасы жәбірленуші тарап болып танылды.
2020-2021 жылдар аралығында мектепке дейінгі білім беру ұйымдарының қарым-қатынасында белгілеген шектеу карантиндік шараларына байланысты Шымкент қаласының білім басқармасы балалардың келуіне мониторинг жүргізуге мүмкіндігі болмады. Себебі, ҚР БҒМ №122 бұйрығының 20-2 тармағына сәйкес білім басқармасы балалардың келуіне жылына бір рет қана мониторинг жүргізуге құқылы.
ШЕКАРА ШЕБІ: ҚАУІПСІЗДІК КЕПІЛІ
Сарыағаш шекара жасағы - еліміз тәуелсіздік алғаннан кейін алғаш ашылған шекара жасақтарының бірі болып табылады. Облыс республикамыздың оңтүстік шекарасын қорғауда...
