Мегаполис құрамына қосылған Қаратау ауданындағы елдімекендердің инфрақұрылым жайы әлі де өзекті. Шаһар басшысы шағын аудандарды аралап, жұмыстың кезеңге сай жүргізілетіндігін түсіндіруде. Халықпен тікелей жүздесіп, істің мән-жайын түсіндіруінің нәтижесінде билікке бұқара нақты базынасын айтып, талап-тілегін жеткізіп жүр.
24 елдімекеннен тұратын Қаратау ауданында 265 мыңнан аса халық тұрады. Бүгінгі кездесуге Достық, Асар, Асар-2, Шымкент сити, Ақжайық, Бозарық шағын аудандары мен Қайнарбұлақ тұрғын алабы мен Бозарық саяжайынан келген 300 ден астам тұрғын қатысты. Әкім мегаполистің әлеуметтік-экономикалық дамуы мен инженерлік-инфрақұрылыммен қамтылуы бойынша өткен жылы атқарылған жұмыстарды баяндады.
Қаратау ауданы негізгі көрсеткіштері — өнеркәсіп, инвестиция, құрылыс, тұрғын үй, бөлшек сауда бойынша өсімі өскен. Мәселен, бір ғана өнеркісіп саласы 18,7 млрд-қа артып, өткен жылы 125,7 млрд теңгенің өнімі өндірілген.
