Райымбет Баталов «Атамекен» ұлттық кәсіпкерлер палатасының төрағасы болып сайланды.
Райымбек Баталов — Алматы қаласында дүниеге келген.
Қазақ сәулет-құрылыс академиясын инженер-құрылысшы мамандығы бойынша бітірген.
1992 жылы Райымбек Баталов «Raimbek» шағын сауда компаниясының іргесін қалап, бүгінде Raimbek Group ірі холдингі болып табылады.
2002 жылдан — Райымбек Баталов шағын және орта бизнесті дамыту үшін қолайлы экономикалық ахуал жасаумен және кәсіпкерлерді қолдаумен айналысатын Қазақстан кәсіпкерлері форумының басқарма төрағасы.
2005 жылдан бастап Шанхай Ынтымақтастық Ұйымы Іскерлік кеңесінің қазақстандық ұлттық бөлімінің басшысы.
2007 жылдан — Қазақстан Республикасы Мәжілісінің жанындағы Қоғамдық палатаның мүшесі.
2010 жылдан — Қазақстан Республикасы Премьер-Министрі төрағалық ететін Бірыңғай үйлестіру кеңесінің мүшесі. Ол сондай-ақ Қазақстан Республикасы Президенті жанындағы Кәсіпкерлік жөніндегі кеңестің және ҚР Ұлттық кәсіпкерлер палатасы президиумының мүшесі.
2012 жылдан — Райымбек Баталов Еуразиялық экономикалық комиссияның Кәсіпкерлік жөніндегі консультативтік комитетінің тәуелсіз сарапшысы (Мәскеу қ.).
Кезінде Қазақстан меценаттар клубының әдебиет, өнер және білім саласындағы тәуелсіз «Тарлан» сыйлығын құрушылардың бірі болды.
Райымбек Баталов 17 ақпан күні төралқаның міндетін атқарушы болып тағайындалған еді.
