Қазақстандық Геннадий Головкин (41-1-1, 36 КО) мен мексикалық Сауль «Канело» Альварес (57-1-2, 39 KO) екінші орта салмақтағы төрт титул сарапқа салынатын жекпе-жек өткізуі мүмкін, — деп хабарлайды Tengrinews.kz тілшісі Vesti.kz сайтына сілтеме жасап.
Инсайдер Майк Коппинджер ESPN-ге арналған материалында жекпе-жек 2022 жылдың қыркүйегінде өтуі мүмкін екенін айтты. Ал бұған дейін мексикалық WBC бойынша орта салмақтағы әлем чемпионы атағын иеленген америкалық Джермалл Чарломен (32-0, 22 КО) кездесуі мүмкін.
«Тағы бір ұсыныс Matchroom Boxing Эдди Хирннен келіп түсті. Ол екі жекпе-жек ұсынды. Ұсыныс бойынша «Канело» 7 мамырда жеңіл салмақтағы титул иегері Дмитрий Биволмен (19-0, 11 КО) кездеседі.
Екінші жекпе-жек — 17 қыркүйекте Альварес пен Геннадий Головкин арасындағы көптен күткен айқас. Бұл жолы 168 фунттағы Альварестің төрт титулы үшін болады», — деді инсайдер.
