Тәуелсіздіктің 30 жылдық мерекесі қарсаңында Созақ ауданының орталығы Шолаққорған ауылында Сұлтанбек Қожанов атындағы өлкетану музей ғимараты пайдалануға берілді.
Осы уақытқа дейін ескі шағын ғана ғимаратта орналасқан музей, енді жаңа, зәулім ғимаратта халыққа қызмет көрсетеді. Музейдің ашылу салтанатына ауыл тұрғындары, Сұлтанбек Қожановтың туған-туыстары мен зиялы қауып өкілдері қатысты.
Шара барысында сөз алған аудан әкімі Салыхан Полатов «Музей – өткеннің шежіресі. Сондықтан да терең тарихы, құнды жәдігері мол Созақ ауданына, жаңа музей ғимараты — ҚР Тәуелсіздігінің 30 жылдық мерейтойына лайықты тарту болды деп есептеймін. Біздің алдымызда музей жұмысын жандандырып, халыққа рухани азық беретін құнды жәдігірлермен толықтыру сынды жұмыс тұр»,- деді. Сондай-ақ, музей ашылуына Түркістан облысының мәдениет басқармасының басшысы Әзімхан Қойлыбаев қатысып, жылы лебізін арнады. Қоғам қайраткері, Сұлтанбек Қожановтың інісі Сайдулла Қожановтың баласы – Кентау трансформатор зауытынды қызметкері Сұлтанбек Қожанов естеліктер айтып, жаңа өлкентану музейінің алдағы жұмысына ақжарма тілегін жеткізді.
Музейде тарихи мұраларды сақтау үшін барлық жағдай жасалған. Ортағасырды жәдігерлер, қазан төңкерісіне дейінгі жергілікті халықтың тұтынған заттары, балбал тастар, жергілікті күйші, ақын жазушылардың, спортшылар құнды дүниелері, Төлеген Момбековтың, Дина Нұрпейсованың ұстаған қара домбырасы, ел Тәуелсіздігінен, аудан тарихынан сыр шертетін мұралар орналасқан. Қазіргі таңда музей қорында 2700 астам астам жәдігер сақталған. «Рухани жаңғыру» бағдарламысы, «Рухани қазына» кіші бағдарламасын іске асыру үшін алдағы екі жылда құнды жәдігердің санын 5000 жеткізу жоспары бар. Сұлтанбек Қожаннов атындағы өлкетану музейінің құрылысы аудандық бюджеттен соғылған. Мамандардың айтуынша 2019 жылдың желтоқсан айында құрылыс жұмыстары басталып, жалпы құны 413 миллион теңгені құраған.
