Облыс әкімі Өмірзақ Шөкеевтің тапсырмасымен бастау алған «Қамқорлық» бағдарламасы аясында көмекке зәру жандарға қолдау көрсетіліп келеді. Атап айтсақ, Ақсу ауылы, Ибн Сина көшесі бойында орналасқан жалпы көлемі 3256 ш.м. жер телімінің құжаттары Ақсукент ауылдық округі әкімі аппаратына рәсімделіп, демеушілер тарапынан 4 отбасыға арналған «Қамқорлық үйінің» құрылысы жүргізілуде, — деп хабарлайды Түркістан облысы әкімінің баспасөз қызметі
Ондағы мақсат – үй-күйі жоқ, көмекке мұқтаж отбасыларын қамқорлыққа алып, жан-жақты қолдау көрсету. Тұрмысын түзеп, қалыпты жағдайға бейімделуіне көмек беру. «Қамқорлық» бағдарламасы аясында салынып жатқан тұрғын үйлердің құрылысы Сайрам ауданының әкімі Ұласбек Сәдібекұлының жіті бақылауында.
