«Атаға құрмет ұрпаққа міндет». Осыны ұстанған Түркістан облыстық аумақтық сайлау комиссиясысының төрағасы Әлібек Өмірәлиев Төлеби ауданына қарасты Көксәйек елдімекенінде орналасқан Төлеби атындағы мектеп ауласына қазақтың тарихи тұлғасы Төле бидің ескерткішін орнатты. Ескерткіштің жалпы көлемі 3 метрді құрайды. Тұғыры граниттен жасалса бабаның бейнесі қоладан құйылған. Жалпы құны 4 млн теңгені құрайды.
Сонымен қатар дәл бүгін тарихы терең білім ордасындағы ағылшын тілі сыныбына Ұлы Отан соғысының ардагері және білім саласының майталманы болған әкесі Кәден Өміралиевтің аты берілді.
Кәден Өмірәлиев 1916 жылы Төлеби ауданына қарасты Көксәйек елдімекенінде дүниеге келген. 25 жасында майдан даласына аттанып отан алдындағы борышын өтейді. 1945 жылы екінші дүниежүзілік соғысы аяқталған соң Кеңес Одағы қарулы күштерінің Жапонияға қарсы жүргізген соғыс әрекетіне де қатысады. Дегенмен, 1946 жылы елге оралып орталық Төлеби мектебінде Қазақ әдебиет пен неміс тілі пәнінің мұғалімі болып қызметін атқарады. Ұлы Отан соғысының ардагері, білімді ұстаз, білікті басшы 1992 жылы 76 жасында өмірден озған. Ердің ерлігін бүгінгі және болашақ ұрпаққа насихаттау бүгінгі күннің еншісінде. Осының негізінде ашылған арнайы кабинетке интеративті тақталар, заман талабына сай компьютерлер, жалпы айтқанда оқушыларға қажетті құралдармен толықтай қамтылған. Қос бірдей игі шараға Кәден Өмірәлиевтің ет жақындары мен елдің зиялы қауым өкілдері қатысып ізгі ниетін жеткізді. Бір айта кетерілігі ел болып құрмет көрсетуге лайық шара карантин талаптарына сәйкес ара қашықтықты сақтай отырып 15-20 азаматтың қатысуымен өткізілді.
