БАЛАЛАР ФУТБОЛЫНЫҢ АТАСЫ МАХАМБЕТ САПАРБАЕВ ДҮНИЕДЕН ОЗДЫ

Балалар футболының атасы, Түркістан облысының және Шымкент қаласының «Құрметті азаматы» Махамбет Сапарбаев дүниеден озды. Қазақша күрестен КСРО-ның 19 спорт шебері мен  ҚазКСР чемпиондарын дайындаған Махамбет Баймырзаұлы өзінің өнегелі өмір жолында тектілік пен нағыз тұлғаның ізгі қасиетін айрықша көрсете білді.

40 жыл балалар спорт мектебін басқарған ол ең алғаш 1956 жылы Бокстан КСРО Қарулы күштерінің чемпионы атанып, көзге түсті. Қазақ КСР-ның күрестен 5 дүркін чемпионы, Қазақстан Республикасы халықаралық Олимпиада комитеті медалінің 4 дүркін иегері, халықаралық Олимпиада комитеті медалінің иегері, Қазақстан Республикасының құрметті спорт қайраткері МАХАМБЕТ БАЙМЫРЗАҰЛЫ САПАРБАЕВТЫҢ қайтыс болуына байланысты, туған-туыстары мен жақындарының қайғысына ортақтасып, көңіл айтамыз.

aigak.kz