Депутат Ғ. Қапалбаев қоғамдық қабылдау өткізді

«Nur Otan» партиясының Бәйдібек ауадандық филиалында Түркістан облыстық мәслихатының депутаты Ғабиден Қапалбаев қоғамдық қабылдау өткізді. Карантиндік талаптарды сақтай отырып партия филиалының қоғамдық қабылдау бөлмесінде халық қалаулысы аудандық мәслихат депутаттарымен бірге мәселесін айта келген тұрғындардың талап-тілектеріне ден қойды. Бұл күні депутаттың қабылдауына келген азаматтар ауылға мектеп салу, жол құрылысы және де жайылым жерлердің тапшылығы сынды маңызды мәселелерді көтеріп жатты.
Солардың бірі Алғабас ауылдық округіне қарасты Шақпақ елді мекенінің тұрғыны Бағдат Нақыпбаев болатын. Ол Шақпақ ауылында жастарға арналған бірде-бір спорт нысандарының жоқ екендігін алға тартып жергілікті жерде спортты дамыту үшін тиісті ғимарат құрылысы бірнеше жылдан жылдан бері қолға алынбай келе жатқандығын жеткізді.
Бұдан өзге Бәйдібек аудандықф зағиптар қауымдастығының өкілдері қоғамдық бірлестік ғимаратын жабдықтау жұмыстары үшін депутаттан көмек сұрай келген. Сонымен бірге зағип жандарды күтіушілердің жалақыларының мардымсыздығы да сөз болды.
Бұл күнгі қоғамдық қабылдауда айтылған мәселелер назарға алынып заң аясында кеңестер берілді. Ал өтініштерді жіті қараған облыстық мәслихат депутаты мәселелердің назардан тыс қалмайтынын оларды бақылауға алатындығын жеткізді.
Биыл енлімізде Парламент мәжілісі мен барлық денгейдегі мәслихат депутаттарының сайлауы өткізілсе, Бұл саяси додаға «Nur Otan» партиясы үлкен дайындықпен қатысып жеңіске жетті. Ал партияның депутаттық корпусы бүгінде сайлауалды бағдарламаларды іске асыруға кірісті. Бұл тұрғыда көшбасшы партия ұстанған басым бағыттың бірі «Халық үніне құлақ асатын мемлекет» тұжырымдамасы. Осы орайда Түркістан облысы бойынша 17 сайлауалды бағдарлама әзірленсе, әрбір аудан қалалардың жоспары бекітіліп жол картасы әзірленген. Сондықтан бүгінде депутаттар жергілікті атқарушы билікпен бірге ел сенімін ақтау бағытында жұмыс жасауда.

Айғақ-ақпарат