ШЫМКЕНТТЕ 106 КӨПБАЛАЛЫ АНА ТҰРҒЫН ҮЙГЕ ҚОЛ ЖЕТКІЗДІ

«Nur Otan» партиясы сайлауалды бағдарламасының жол картасына сәйкес «Бақытты отбасы» партиялық жобасы бойынша Шымкенттегі көп балалы аналармен кездесу өтті.
Ағымдағы жылдың наурыз айында қаламыздағы бір топ көпбалалы аналардың әлеуметтік желідегі жанайқайы бойынша қалалық партиялық бақылау комиссиясының мүшелері тарапынан арнайы кездесу өткізіліп, мән жайы анықталды.
Комиссия тарапынан тұрғын үй басқармасына үстіміздегі жылдың наурыз айының соңына дейін қажетті құжаттарды жинақтап, сәуір айының басында кезекте тұрған көп балалы аналарға тұрғын үй беру мүмкіндігі қарастырыу туралы ұсыныс берілді, — деп хабарлайды «Nur Otan» партиясының Шымкент қаласы филиалының баспасөз қызметі.

Шымкентте 2021 жылдың соңына дейін кезекте тұрған азаматтарды баспанамен қамтамасыз ету үшін 1 580 пәтер сатып алу жоспарланған. Пәтер сатып алуға 22,5 млрд теңге қаржы бөлінді. Нарықтағы жеке құрылыс салушылардың тізімі анықталып, талдау жұмыстары жүргізілуде.
Міне, осының нәтижесінде 106 көп балалы аналар тұрғын үйге бүгінгі күні қол жеткізіп отыр.
Қуаныштары қойныма сыймай, пәтер кілтін алған бір топ көп балалы ана қалалық партия филиалына алғысын жаудырып келді. «Nur Otan» партиясына ризашылықтарын білдіріп, партияға кіруге ниетті екендерін де жеткізді.
Әрбір еңбектің осындай баға жетпес жемісі адамды бақытқа бөлейді.
Халықтың әлеуметтік мәселесі сайлауалды бағдарламада көзделгендей «Nur Otan» партиясының ұдайы бақылауында!