Гүлжан Құрманбекова Арыс қаласының әкімі қызметіне тағайындалды, — деп хабарлайды aigak.kz тілшісі.
Арыс қаласы мәслихатының кезектен тыс өткен сессиясында облыс әкімі Өмірзақ Шөкеевтің ұсынысымен Гүлжан Құрманбекованың кандидатурасын депутаттар бірауыздан қолдады. ҚР Президенті Әкімшілігінің келісімімен, Арыс қалалық мәслихаты депутаттарының қолдауымен, Түркістан облысы әкімінің өкімімен Гүлжан Мамытқызы бүгіннен бастап Арыс қаласын басқаратын болды.
Ұзақ жылдар Шымкент қаласы әкімінің орынбасары қызметін атқарып, экономиканың ахуалын бес саусағындай білетін Гүлжан Мамытқызы 2020 жылдың ақпан айынан бері Түркістан облысының әкімі Өмірзақ Шөкеевтің кеңесшісі қызметін қызметін атқарып келген.