«100 жаңа есім» байқауы қорытындыланды

«Рухани Жаңғыру» бағдарламасы аясында М.Әуезов атындағы Оңтүстік Қазақстан университетінде  «100 жаңа есім» байқауының III кезеңі қорытындыланып, жеңімпаздар анықталды-, деп хабарлайды aigak.kz сайтының тілшісі.

Бәйгеге оқу ордасының профессор-оқытушылары мен студенттері қатысты. Атап айтсақ, «Ғылым», «Педагогика және әдістеме», «Шығармашылық және спорт», «Үздік студент», «Үздік магистрант», «Үздік қызметкер», «Кадр резерві» арасынан іріктелген.
Байқау ережесіне сәйкес ең алдымен қатысушылар іріктеліп, екінші кезеңінде 200-ге жуық адамның жетістіктері сараланды. Додада білім мен ғылымға деген ұмтылысын тереңдеткен, рухани мұраға адал,  еңбек пен білімге деген ынтасы жоғары жандар таңдалған. Айта кетсек, «100 жаңа есім» байқауының жеңімпаздары онлайн анықталды. Яғни, қатысушылардың суреттері мен жетістіктері Instagram әлеуметтік желісінде жарияланып,  лүпіл жинау арқылы анықталған.Аталған жобаның мақсаты — жақсы нәтиже көрсетіп, белгілі бір салада жетістіктерге жеткен азаматтар мен азаматшаларды елге таныту. Байқау қорытындысында жеңімпаздар арнайы марапатталып, сертификат табысталды.