Түркістан облысында  індетті жұқтыру көрсеткіші төмендеді

 Түркістан облысының санитариялық-эпидемиологиялық бақылау департаментінің мамандары өңірдегі эпид ахуал бойынша атқарылған жұмыстарға күнделікті  мониторинг жүргізіп, тиісті сала өкілдерімен тығыз байланыс жасап отыр, — деп хабарлайды Түркістан облысының санитариялық-эпидемиологиялық бақылау департаментінің баспасөз қызметі.

Жыл басынан бері өңірде эпидемиологиялық жағдай төмендеген.  Мәселен,  қаңтар, ақпан айларында   короновируспен ауырғандар 58% азайса,   наурыз айының алғашқы аптасында да тұрақтылық байқалып отыр. 9 наурызға дейін  облыста 659 жағдай тіркелді. Ал, 4204 азамат індеттен айыққан. Облыста  9 полимеразды тізбекті реакция зертханалары жұмыс істейді.  2020 жылдан бері ол жерде  531855 адам тексеруден  өтіп,  4334 азаматтан оң нәтиже көрсетілген.       Сонымен қатар,  облыста пневмонияға шалдығушылар саны да 25% азайып отыр.

Түркістан облысы еліміз бойынша  жасыл аймақта тұр. Өңірдің бас  мемлекеттік санитариялық дәрігері  Нұрбек Нышановтың 3-ші наурыз күні №2 қаулыға өзгерістер мен толықтырулар енгізу туралы қаулысы шыққан болатын.  Онда  кәсіпкерлік объектілердің жұмыс жасау уақыты ұзарып,  карантиндік шектеулер жеңілдетілген. Дегенмен, мамандар  өңір тұрғындарын  санитариялық-эпидемиологиялық  талаптарды қатаң сақтауға шақырады.  Көпшілік жиі шоғырланатын жерлерде әлеуметтік қашықтық пен маскалық тәртіп  сақталуы керек екендігін ескертеді.