«Nur Otan» партиясына 22 жыл

Халықтың зор сеніміне ие болған «Nur Otan» партиясына —  22 жыл. Осы мерейлі датаға орайластырылған партия отырысы болып өтті. «Nur Otan» партиясы Шымкент қаласы филиалының төрағасы Мұрат Әйтенов  ең алдымен партия тарихынан сыр шертетін көрме жұмысымен танысты. Барша қазақстандықтарды атаулы күнмен құттықтап, партия мүшелерінің жұмысына сәттілік тіледі.Іс-шараға жас нұротандықтармен бірге саяси ұйымның қалыптасуына еңбек сіңірген партия ардагерлері де арнайы қатысты. Партия жұмысына сәттілік тілеп, ақ тілектерін жаудырды. Олардың қатарында  Байдулла Қонысбек, Әбілқасым Досболов, Өмірзақ Мелдеханов, Алмасбек Мамытбеков  және  Досыбай Шерімқұлов сынды ел ағалары бар.

Жиын соңында «Nur Otan» партиясы Шымкент қаласы филиалының төрағасы Мұрат Әйтенов партия қатарына жаңадан қабылданғандарға партия төсбелгісін табыстады. Тарихқа аз-кем тоқталсақ. Осыдан тура 20 жыл бұрын, яғни 1999 жылдың 1 наурызында партияның Бірінші тарихи съезі өтіп, онда Елбасы — Нұрсұлтан Әбішұлы Назарбаев  бірауыздан «Nur Otan» партиясының Төрағасы болып сайланды. Содан бері партия жылнамасына алтын әріптермен жазылған 1 наурыз Партия күні ретінде аталып өтіледі.
«Nur Otan» партиясы 22 жылда жетекші саяси күші ретінде қалыптасып үлгерді.

Айғақ-ақпарат