«Ырыс» микроқаржы ұйымының жарғылық капиталы — 5,9 млрд. теңгені құрайды

   «Ырыс» микроқаржы ұйымы 2009 жылдан бері Түркістан облысының кәсіпкерлеріне жылына 5 пайыздан бастап жеңілдетілген несие беру арқылы қолдау көрсетіп келеді. Кәсіпкерлер үшін бірқатар жеңілдіктер қарастырылған. Яғни, кепілдікке ауылдық жердегі мүлік алынады, бастапқы старт-ап жобалар қарастырылады, сондай-ақ қаржылық лизинг беріледі. Сондай-ақ, тиімді өтеу кестесі жасалынады. Ең маңыздысы несиені рәсімдеу барысында еш қандай комиссиялар алынбайды. «Ырыс» микроқаржы ұйымының жарғылық капиталы — 5,9 млрд. теңгені құрайды.   «Ырыс» микроқаржы ұйымы 12 жылдық қызметі аясында өзінің экономикалық маңызы жағынан жоғары көрсеткіштерімен ерекшеленіп келеді. Атап айтқанда, 2009 – 2020 жылдар аралығында (01.01.2021ж. дейін) облыстың 20 250 тұрғыны жеңілдетілген несие және лизингке қол жеткізіп, 43,4 млрд. тенгеге қаржыландырылды. Несиелендірілген жобалар нәтижесінде жұмыспен қамтылғандардың саны 30 123 адамға жетіп отыр.
Ал 2020 жылдың қорытындысы бойынша жалпы қаржыландырылған 1290 жобаны жүзеге асыруға 4,6 млрд. теңге көлеміндегі қаражат бағытталды. Нәтижесінде 1 404 (оның ішінде 830 сезондық) жаңа жұмыс орнының ашылуына септігін тигізді.
Сонымен қатар, «Ырыс» микроқаржы ұйымы 2021 жылға келесі басым бағыттар бойынша қаржыландыру көзделіп отыр:
1. Күзгі егін дала жұмыстары – 350 млн. теңге;
2. Мал шаруашылығы (мал басын көбейту, сүт бағыты) – 1 350 млн. теңге;
3. Мал шаруашылығы (бордақылау) – 820 млн. теңге;
4. Ырыс агро (бақжа жәен жүзім баулары) – 10 млн. теңге;
5. Ырыс жылыжай – 30 млн. теңге;
6. Ырыс құс шаруашылығы – 10 млн. теңге;
7. Басқа жобалар (Даму қорының қайтарылған қаражат есебінен)(тігін, жихаз жасау цехтары, жүк және адам тасымалдау қызметтері т.с.с.) – 300 млн. теңге;
8. Ырыс бизнес – 250 млн. теңге;
9. Тұтынушылық несие – 20 млн. теңге;
10. Лизинг – 10 млн. теңге;
11. Көктемгі егін дала жұмыстары – 1 400 млн. теңге.