Түркістан қаласында көктемгі су тасқынының алдын-алу жұмыстары пысықталды

Түркістан қаласында көктемгі су тасқынының алдын-алу жұмыстары пысықталды. Түркістан қаласының әкімі Рашид Аюпов қала аумағында ұйымдастырылған тактикалық арнайы оқу-жаттығу жиынына қатысты.Қала әкімі, қалалық төтенше жағдайлардың алдын алу және жою жөніндегі комиссия төрағасы Рашид Аюпов өз сөзінде мұндағы жылу, байланыс желілері, азық-түлікпен қамту, медицина, Түркістан-Су және өзге де төтенше жағдайдың алдын алуға қажетті мекемелердің еңбегі зор екендігін айтып өтті. Рашид Абатұлы одан әрі әзірленген картаға сәйкес шартты су басу аумақтарын, зардап шеккен халықты уақытша орналастыру орнын, су басу кезеңінде жұмылдырылатын жедел ден қою жасағы техникалары мен құралдарымен танысты.Табиғи және техногендік сипаттағы төтенше жағдайлар салдарын жою үшін қалалық азаматтық қорғау қызметтері құрылымдары мен авариялық-құтқару қызметі қатарынан қалалық жедел ден қою жасағының 12 командасы, 154 жеке құрамы және 31 техникасымен құрылып, бекітілген.

Бүгін өткен тактикалық-арнайы оқу-жаттығуының мақсаты — Түркістан қаласының жедел ден қою жасақтарының кез келген уақытта дайын болуы, төтенше жағдайлар кезінде адамдарды және материалдық құндылықтарды құтқаруға тәсілдерін дағдылау. Қазгидрометтің мәліметі бойынша, ақпан айында ауаның орташа айлық температурасы -5+5 градусты көрсетеді, бұл нормадан 1-2 градус жоғары (-6+3). Жауын шашынның айлық мөлшері нормадан көп болады. Жауын-шашын (жаңбыр, қар) жиі онкүндікте, екінші онкүндіктің басында, үшінші онкүндіктің ортасында және соңында күтіледі. Сонымен қатар, желдің жылдамдығы секундына 15-20 болады деп болжануда.Айғақ-ақпарат