МЕРЕКЕ ҚАРСАҢЫНДА 500 ТҮП АҒАШ ОТЫРҒЫЗЫЛДЫ

Түркістан қаласында Қазақстан Республикасы Тұңғыш Президент күні қарсаңында Түркістан қаласында 500 түп ағаш отырғызылды -, деп хабарлайды Түркістан қаласы әкімінің баспасөз қызметі. Күннен күнге гүлденіп келе жатқан Түркістан қаласының басты нысандарының бірі Дендросаябақ болмақ. Өңірдің климаты мен географиялық ерекшеліктеріне байланысты облыс әкімі Өмірзақ Естайұлы қаланың көгалдандырылуына ерекше көңіл бөліп келеді. Осы мақсатта, бүгінгі шара аясында Түркістан қаласы әкімі Рашид Аюпов және қалалық мәслихаттың хатшысы Ғаппар Сәрсенбаевтың қатысуымен Дендросаябақта 500 түп қарағай ағашы егілді. Қала тұрғындары мен қонақтарына жайлылық сыйлайтын бар ағаштардың күтімі нысан құрылысы аяқтала «Жасыл Түркістан» КММ тарапынан атқарылатын болады. Қазіргі таңда 500-ден астам жұмысшы және 50 дана техника күші жұмылдырылған нысан құрылысы қарқынды атқарылуда. Құрылыс барысы мен ауа-райына қарай жалпы 19 мыңға жуық түрлі ағаштар отырғызылуы жоспарланған.