Мақтаарал ауданының орталығы Мырзакент кентіндегі жаңадан бой көтерген мөлтек ауданда көшет егу жұмыстары жасалуда -, деп хабарлайды Мақтаарал ауданы әкімінің баспасөз қызметі.
Сондай-ақ, шағын ауданды абаттандыру, көгалдандыру аясында саябақ пен 2 спорт алаңшаларының құрылысы жүргізілуде.
Жеңіс, Жаңатұрмыс, Достық ауылдарының тұрғындары қоныстанған жаңа шағын ауданға 16 мың түп көшет егу жоспарланған болса, қазіргі таңда 12,5 мың көшет отырғызылды. Қалған 3,5 мың көшетті егу жұмыстары келесі аптаға дейін аяқталатын болады. Мұнда жаңа мөлтек ауданның архитектуралық жобасына сәйкес, қара ағаш пен изгородь декаративті көшттері арнайы таңдап алынған.
Мөлтек аудандағы желілік саябақта 6991 м2 брусчатка толық төселіп, қазіргі таңда суғару жүйелері мен көгалдандыру жұмыстарының 95%-ы аяқталды. Сонымен қатар, желілік саябақ бойынша жоспарланған 3713 м2 аяқжол салу жұмыстары аяқталып, жарықтандыру жұмыстары жүргізілуде.
Айта кетейік, жаңа мөлтек аудан — Мақтаарал ауданының орталығы Мырзакент кентінің ең көрікті жеріне айналатын болады.
