Шымкентте 82 жастағы науқасқа алғаш рет жүрек қақпашасын ауыстыру отасы жасалды. Ерекшелігі сол, ота жабық түрде жасалып, пышақсыз өтті. Өте сирек жасалатын жұмысты атқаруға Нұр-Сұлтаннан білікті дәрігерлер көмекке келді. 4 сағатқа созылған ота сәтті өтті, — деп хабарлайды aigak.kz тілшісі.
Операция жасалған 82 жастағы науқасқа «аорта қақпақшасының стенозы» диагнозы қойылған. Әдетте егде жастағы қарт кісілерге кардиологтар жүрегіне ота жасауға кеңес бермейді. Дегенмен бұл жолы білікті мамандар тәуекелге барды. Ота кезінде дәрігерлер науқастың аяқ күре тамырына жеткізуші құрылғы арқылы еніп, жүрек қақпақшасын хирургиялық жолмен алмастырып берді. Ұлттық ғылыми кардиохирургия орталығы дәрігерлерінің көмегімен жасалған ота жергілікті мамандарға тәжірибелік сабақ болды.
Бүгінгі тәжірибе алмасу жұмыстарының нәтижесінде жергілікті ақ халаттылар жүрек қақпақшасына жабық түрде ота жасауды өз бетінше атқара алатынын айтады. Ол үшін кардиологиялық орталықта қажетті медициналық құрылғылар да жеткілікті. Дәрігерлердің айтуынша, ота сәтті өткен. Операция тіліксіз жүргізілгендіктен, науқас екі-үш күн аралығында оңалып, үйіне шығарылады. Дәл мұндай ота ең жаса 45 жастағы, ең үлкені 93 жастағы науқасқа жасалған екен.
Айта кетейік мұндай операцияның түрі медициналық көмектің кепілдендірілген көлемі шеңберінде елдің әрбір азаматы үшін ақысыз өткізіледі