«Апат айтып келмейді» демекші, осыдан тура 5 ай бұрын Мақтаарал ауданындағы 5 бірдей ауылды топан су басып, алты мыңға жуық тұрғын баспанасыз қалған болатын. Осындай қиын-қыстау мезетте барша қазақ жұрты мырзашөлдіктермен бірге екендіктерін байқатып, көмек қолын соза білді. Мақтааралдықтарға алғашқылардың бірі болып көмекке «Nur Otan» Партиясы келді.
«Біз мақтааралдықтармен біргеміз» деп ұрандатқан нұротандықтар еліміздің түкпір-түкпірінен гуманитарлық көмек керуендерін тоқтатпай жөнелтіп жатты. Апаттан жапа шеккен тұрғындар елеусіз қалмады. Эвакуациялық орталықтарға жайғастырылып, күнделікті азық-түлік, киім-кешекпен, бар керек-жарақпен қамтылды.
Сондай-ақ, Елбасымыздың бастамасымен құрылған «Біз біргеміз» қайырымдылық қорының есебінен Мырзакент кентіндегі жаңа мөлтек ауданда 32 үйдің құрылысы жүргізілді. Міне, бүгін сол үйлердің кіліттері өз иелеріне табысталды. Мақтааралдықтардың осы қуанышын бөлісу үшін ауданымызға Нұр Отан партиясы төрағасының бірінші орынбасары Байбек Бауыржан Қыдырғалиұлы келді. Және Түркістан облысының әкімі Өмірзақ Шөкеев бар. Мақтаарал ауданының орталығы Мырзакент кенті жанынан бой көтерген жаңа мөлтек ауданда «Nur Otan» Партиясының «Біз Біргеміз» қайырымдық қорының баспанасының бұл жолы 20 кілті табысталды. 12 баспаның кілті алдағы уақыттың еншісінде.