Иісті газдан улану оқиғалары азайған

Түркістан облысы құрылғалы жылыту маусымында орын алған жағдайлар саны азайып келеді. Бұл туралы Түркістан облыстық төтенше жағдайлар департаментінің бастығы азаматтық қорғау полковнигі Нұрғали Жүнісов баспасөз жиынында мәлім етті.Оның айтуынша 2018- 2019 жылғы жылыту маусымында 17 оқиға орын алып, улы газдан 23 адам қайтыс болса, 19 адам жарақат алған. 2019-2020 жылыту маусымында 7 оқиға орын алып, 5 адам уланып қайтыс болды, 4 адам жарақат алған. Яғни жыл сайын улану жағдайы да, қайтыс болу да жарақат көрсеткіші де еселеп азайып келеді. Бұл тұрғфда департамент пен облыстық жастар орталығы арасында бірлескен екі жақты меморандумға қол қойылып, жастармен тығыз байланыста облыстың тұрғындары арасында өртке қарсы үгіт насихат жұмыстары тұрақты түрде атқарылып келеді. Ал улы газдан уланудың алдын алу мақсатында Департаментпен газдан уланудың себептеріне тұрақты түрде мониторинг жүргізілген.Айта кету керек Республика аумағында 15 қыркүйектен бастап өрт қауіпсіздігі айлығы жүргізілуде. Айлық 15 қазанға дейін жалғасады.  Осыған сәйкес өрт қауіпсіздік нормалары мен ережелерінің талаптарын бұза отырып, пайдаланып отырған автономды жылыту жүйелеріне, электр сымдарының ахаулына баса назар аударылып, түсіндірме жұмыстары жүргізілуде. Осылай деген департамент бастығы әсіресе әлеуметтік жағдайы төмен, көп балалы жанұяларға, жалғыз басты қарттардың үйлеріне аса мән беріліп отырғандығын жеткізді. Ал, ең бастысы ТЖД облыс тұрғындарынан жылыту маусымы кезінде өрт қауіпсіздік ережелерін және уланудың алдын алу нұсқаулықтарын қатаң сақтауды ескертеді.