Әлеуметтік әріптестіктің әлеуеті

ҚР Президенті 04.05.2020 жылы «Қазақстан Республикасының кейбір заңнамалық актілеріне еңбек мәселелері бойынша өзгерістер мен толықтырулар енгізу туралы» Заңына қол қойды. Енгізілген өзгерістердің бірі әлеуметтік әріптестік механизміне қатысты болды. Осыған байланысты Шымкент қаласының Әлеуметтік әріптестік пен әлеуметтік және еңбек қатынастарын реттеу бойынша комиссияға қайта жасақталып, бүгінгі отырысқа жиналды.

Отырыс барысында үш жақты әлеуметтік әріптестік пен әлеуметтік және еңбек қатынастарын реттеу бойынша комиссия құрамына өзгеріс енгізу, кәсіпорындар мен ұйымдарда ұжымдық шарттардың түзілуі, жалақы қарызы, ҚР Еңбек кодексіне енгізілген өзгерістер туралы, шағын және микро кәсіпкерлік субьектілеріне тексеру жүргізуге  жарияланған мораторий туралы және карантиндік режимге сәйкес медицина қызметкерлеріне еңбекақы төлеу мәселелері қаралды.Шымкент қаласы әкімінің орынбасары Мақсұт Исаховтың қатысуымен өткен жиында күн тәртібіндегі  мәселелер қаралды. Атап айтқанда,  Шымкент қаласының мемлекеттік еңбек инспекциясы басқармасының басшысы Б.Қалжанов, «Қызмет» мемлекеттік мекемелер, банк жүйелері және қоғамдық қызмет көрсету қызметкерлерінің кәсіптік одақтары» республикалық қоғамдық бірлестігі Шымкент қалалық филиалының төрағасы С.Әуесханов, Әділет департаменті және жеке сот орындаушылар палатасының өкілдері баяндама жасап,  жалақы қарызы анықталған және жазатайым оқиғалар орын алған мекеме басшылары тыңдалды.