Шымкент қалалық Энергетика және коммуналдық шаруашылық басқармасы тарапынан атқарылған жұмыстар бойынша баспасөз брифингі өтті. Биыл 19 бюджеттік бағдарлама аясында 52,0 млрд.теңге қаралған. Ал, қала аумағындағы елді мекендерді инженерлік инфрақұрылыммен қамтамасыз ету және абаттандыру бағыттары бойынша жалпы құны 107,2 млрд.теңге құрайтын 116 нысанның құрылыс жөндеу жұмыстарын жүргізуге 39,3 млрд.теңге қаржы бөлінді.
Атап айтқанда, 28 нысан оның ішінде 3 ірі жоба, Тұран, Шымкент сити шағын аудандарын ауыз сумен қамту үшін Көмешбұлақ су ғимаратынан 4,48 км, 6,68 км және Ахунбабаева-Гагарина 15 км құрайтын магистральдық суаққылар іске асырылуда. Ал, электр қуаты бойынша қаланың солтүстік және оңтүстік бөлігін сапалы электр қуатымен қамтуға 3 ірі жоба оның ішінде, 220 кВ «Бозарық», 110 кВ «1-М-1 » және 110 кВ «Ақжар» қосалқы стансалары іске асырылмақ. Жыл соңында 8 бағыт бойынша 71 нысанның (20 ауыз су, 1 кәріз нысаны, 10 электр, 1 табиғи газ, 13 жылу нысандары, 12 сейсмонығайту және 14 абаттандыру) құрылыс жұмыстары аяқталып, пайдалануға тапсыру жоспарлануда. Қалған 45 нысан жұмыстары 2021 жылға өтпелі.