ТМД-ның мәдени астанасы Шымкент қаласында ерекше көрме. Әлемдегі ең әдемі қаланың бірі, музейлердің отаны болған Санкт-Петербургтен мегаполиске балауыз мүсіндер жетті. Бейнелеу және өнер музейіне қойылған бұл көрме наурыз айының соңғы күндеріне дейін жалғасады. 
Төрт бөлімнен тұратын көрмені көргіңіз келсе асығыңыз. Алғашқы бөлім әлемдік кинодан көріп жүрген тарихи кейіпкерлерге қатысты. Әдебиеттегі романдар желісімен түсірілген фильмдердің кейіпкерлерімен шын жүздескендей әсер аласыз.
Екінші бөлімде мемлекет және қоғам қайраткерлерінің мүсіні тұр. Ұлы қолбасшылар Әмір Темір мен Шыңғысхан, Кеңес Одағын басқарған Ленин, Хрущев, Горбачев, Ельцин секілді ел басқарған басшылардың мүсіні дәлме-дәл бейнеленген.
Үшінші бөлім көркем фильмдердің кейіпкерлерімен байланысты болса, төртінші бөлім балаларға арналған ертегілер әлеміне қатысты. Ерекшелігі сол тарихи тұлғалардың анатомиялық сипаттамасы тұп-тура мүсінделген.
Өткен ғасыр мен бүгінгі заманның танымал тұлғаларының дене пішіні, бойы мен келбетін көргіңіз келсе онда бір айға созылатын көрмені тамашалаңыз. Көрме Шымкент қаласындағы Бейнелеу және өнер музейінде тұр.
Айғақ-ақпарат
