Шымкент қалалық Ішкі істер департаментіне қарасты Қаратау аудандық полиция басқармасына жаңа басшы келді. Ол — Арман Қайбарұлы Тіленшин. 1973 жылы 24 маусымда Оңтүстік Қазақстан облысының Сайрам ауданындағы Совет ауылында дүниеге келген. ҚР ІІМ Қарағанды жоғары мектебін, ҚР ІІМ Академиясының басшылық құрамын даярлау институтын тәмамдаған. Мамандығы – заңгер.
1990 жылдан бері ішкі істер органдарында қызмет істеп келеді. 1994 жылдан 2002 жылға дейін Оңтүстік Қазақстан облыстық ІІД әл-Фараби аудандық ішкі істер бөлімінің экономикалық қылмысқа қарсы күрес жөніндегі бөлімшесінің жедел уәкілінен бастап, Оңтүстік Қазақстан облысының ішкі істер бас басқармасы тоғызыншы басқармасының экономикалық қауіпсіздік бөлімі бастығының орынбасарына дейінгі жолдан өтті. 2002 жылдан 2007 жылға дейін – Оңтүстік Қазақстан облысы ішкі істер бас басқармасы тоғызыншы басқармасы бастығының орынбасары – экономикалық қауіпсіздік бөлімінің бастығы, одан кейін Оңтүстік Қазақстан облысы ІІД Түлкібас аудандық ішкі істер бөлімінің бастығы. Оңтүстік Қазақстан облыстық ішкі істер департаменті бастығының орынбасары. Солтүстік Қазақстан облыстық ішкі істер департаментінің бастығы. Қостанай облысының ІІД бастығының бірінші орынбасары қызметтерін атқарған. Сондай-ақ Шымкент станциясындағы желілік полиция бөлімінде басшы болған.
«Айғақ-ақпарат»
1 комментарий
Каратауские полицейские Вешайтесь!!! Он очень грамотный и беспощадный жосски человек!