Ордабасы ауданының әкімі халыққа есеп берді

     Ордабасы ауданына қарасты елді мекендердің жетістігі мен кемшілігін тізбектеп айтқан аудан әкімі Әліпбек Өсербаев кейбір ауыл округтеріндегі  мектеп мекемесін сынға алды. Ондағы мемлекеттік бюджеттен бөлінген ақша тиісінше дұрыс жұмсалғанын баса назарға алыпты. Алдағы уақытта қай сала барысында болсын өкімет қаржысы нақты жоспар құрылып, басшылыққа өткізілмей мекемелерге бюджет бөлінбейтінгін ескертті. Басқада мәселеге түпкілікті жауап берген жергілікті жердің басшысы, алдағы жоспарларды уақытылы орындауға уәдесін берді,-деп хабарлайды «Айғақ-ақпарат» тілшісі.

121 596 адамды құрайтын Ордабасы ауданы бүгінде Қазақстандағы  өндіріс кәсіпкерлігі бойынша 4 орында. Аудан есебіне бөлінген 79 млярд қаржының 24 пайызы өнеркәсіп саласын құрайды екен. Ордабасы ауданы әкімінің  2019 жылдағы әлеуметтік-экономикалық дамуы туралы есеп беруінде,  ауыл шаруашылығы соның ішінде мал шаруашылығында ірі-қара, жылқы, ешкі саны былтырғы жылмен салыстырғанда біршама пайызға өсіп, түйе мен құс саны азайғандығын баяндады.

   Атаулы әлеуметтік көмек. Қазіргі таңда көпбалалы және әлеуметі төмен жандарға берілетін көмек көзі. Сондай-ақ жеке кәсіп ашу үшінде қайтарымсыз ақша беру бойынша да мүмкіндіктер қарастырылған. Сонымен қатар, 21 мың теңгеге мұқтаж 101 отбасы есепке ілініген. Алайда, үкімет тарапынан бөлінген ақша өз максатында жүзеге асып жатқан жоқ. Тексеріс жүргізілу барысында кәсіп ашып, өз жұмыстарын дөңгелетемін деген азаматтар үшін қаржы бөлінген болса, оның 50 ғана кәсіпкер атанғандығы жөнінде жергілікті жердің басшысы сөз етті. Ал қалған бөлінген қаржы қайда кетіп жатыр? Халықпен өткізілген жиын барысында жан жақты мәселе көтерілді. Бірі мектептегі оқушылардың құқық бұзушылықтары болса, енді бірі Орда ауылына ауыз су мен жол мәселесі шешімін таппағандағы жөнінде уәжін айтты.

    Есеп беру барысында аудан әкімі алдағы уақытта орын алатын жоспарларын ортаға салды. Инфрақұрылымды дамыту мақсатында 17 көшеге асфальт төселіп, автотұрақ мәселесі де оңтайлы шешімін табады деген мардымды жоспарын алға тартты. 2020жылдың жоспарында мектеп оқушыларына арнап маршруттар бөлініп, тегін қызмет атқарады. Осындай жоспарлардың құрлымын дайындап келген аудан әкімінен халықтың күтері де мол.