Түркістан облысында алғаш рет иық буындарына ота жасалды

   Түркістан облысында алғаш рет иық буындарына имплонтациялау отасы жасалды. Тәжірибе алмасып, шеберлік көрсетуге Ресейден арнайы  жоғары білікті дәрігерлер келіп қатысты. Мамандардың айтуынша, өте күрделі ота Қазақстанда осыған дейін санаулы рет қана жасалған.

Түркістан облысында иық буындарынан жарақат алып, ота жасалуға тиісті азаматтар шынында да өте көп. Бірақ, бүгінгі күнге дейін олардың бірде-біреуіне имплонтациялық ота жасалмаған. Себебі, күрделі отаны жасауға арнайы технологиялармен қоса, өте үлкен тәжірибе керек. Міне, бүгінде Ресейлік мамандар облыстық аурухананың хирургтарымен бірге ота жасап, тәжірибелік сабақ көрсетті.  Бүгінгі ем қабылдап, ота жасатқан емделуші Сарыағаш ауданының тұрғыны. 2007 жылы жол апатына түсіп, иық жарақатын алған. Содан бері артық қимыл-қозғалыссыз қалып, дәрігерлердің көмегіне жүгінген. Ауруханадағы дәрігерлердің қатаң қадағалауында болып, оған білікті мамандар ота жасап жатыр.

Күрделі ота кемінде 2 сағаттан аса уақытқа созылды. Ал, операцияның сәтті аяқталуына дәрігерлер қолдан келгенді аяп қалмады. Емделуші есін жиған соң да,  оған жоғары деңгейдегі күтім жасалатын болады. Себебі, адам денсаулығы ең басты орында.