Шымкентте алғаш рет Халықаралық перфузиологтар конференциясы өтуде, деп хабарлайды Шымкент қалалық қоғамдық денсаулық басқармасының баспасөз қызметі.
Перфузиология саласын дамыту мақсатында конференцияға Израиль, Германия, Латвия, Ресей мемлекеттерінен спикерлер шақыртылған. Шымкент қаласының әкімі Ерлан Айтаханов конференцияға қатысушыларға сәттілік тілеп, қалалық кардиологиялық орталықта перфузиология саласында атқарылып жатқан жұмыстарға тоқталды.
Сондай-ақ, Халықаралық деңгейде өтіп жатқан жиынға Қазақстандағы және аймақтағы перфузиология саласының мамандары қатысуда. Бұл шара кардиохирургиядағы перфузиологиялық қызметті дамытуға жақсы алғышарттар болып табылады. Айта кетейік, перфузиялық жүйені қолдану – ашық жүрекке жасалатын оталардың дамуына зор септігін тигізеді. Соның нәтижесінде жүрек ақауынан пайда болатын мүгедектіктің пайызы төмендейді, жұмысқа қабілеттілік сақталады, өлім санының күрт азаюына алып келеді.