«Орталық Азия – біздің ортақ үйіміз». Дәл осы тақырып аясында Өзбекстан Республикасының астанасында халықаралық конференция өтті. Құдай қосқан көрші мемлекеттегі басқосуға Қазақстан, Өзбекстан, Қырғызстан тағы өзге елдерден ассамблеяның өкілдері қатысып, достық аясында баяндама жасады. Сондай-ақ, Ташкент қаласында Қазақстанда тұрып жатқан өзбек ұлты фольклорлық кітабының тұсауы кесілді.
Жырау бабаларымыз «ағайынның аты озғанша, көршінің тайы озсын» деп жырлаған. Осы сөздің аясында бізде Қазақстаннан Ташкент шаһарына бардық. Халықаралық деңгейде ұйымдастырылған конференцияға Ассамблеяға мүшелері шақыртылған. Тұрмыс-салты ұқсас, тарихы ортақ халықтар арасындағы мәдени-гуманитарлық байланыстың беріктігін тілге тиек етіп, достық дәріптелген ғибратты басқосу болды.
Биыл Өзбекстанда Қазақстан жылы. Сондықтан болуы керек Орталық Азияның конференциясында біздің елден барған өкілдерге көбірек көңіл бөлініп, назар ауған секілді. Осыған байланысты одан әрі күшейтуге қатысты сұрақтар көтеріліп, ынтымақтастықта жұмыс жасау туралы сөз аз емес айтылды. Баяндаманы ең алғаш болып жасағандардың қатарында Қазақстан Халқы Ассамблеясы Төрағасының орынбасары-Хатшылық меңгерушісі Жансейіт Қансейітұлы бар.
Көп ұлттың мекеніне айналған Қазақстанда 600 мыңнан астам өзбек ағайындарымыз бар. Екі ел арасындағы дипломатиялық қатынас 1992 жылдың 23 қарашасында орнатылған болатын. Бүгінде екі ел арасында тауар айналымы артып, халық шекарадан оңай өтіп жүр. Конференция барысында мемлекетаралық құжаттарға қол қойылып, достық байланысты үзбеуге уәделесті.
«Орталық Азия – біздің ортақ үйіміз». Осы тақырып аясындағы бірінші конференция түс қайта секцияға бөлініп кетті. Ал, Қазақстанда тұрып жатқан өзбек ұлты байланыстың беріктігін дәлелдейтін тағы бір жиналыста басқосты. Татулықтың тал бесігі болған рухани кездесудің негізгі мақсаты — кітаптың тұсауын кесу болатын.
