Президент баспасөз хатшысы Берік Уәли жаңа қызметке сайланды

Қазақстан Республикасы Президентінің баспасөз хатшысы Берік Уәли жаңа қызметке сайланды, — деп хабардлайды Tengrinews.kz тілшісі. Президент баспасөз хатшысы Берік Уәли «ҚР Президентінің Телерадиокешені» КЕАҚ Директорлар кеңесінің төрағасы болып сайланды.

Берік Уәли 1977 жылы туған. Жүргенов атындағы Қазақ мемлекеттік театр және кино институтын «Кинотанушы» мамандығы бойынша, сондай-ақ, әл-Фараби атындағы Қазақ ұлттық университетінің «Журналистика» мамандығы бойынша магистратурасын және Қазақ гуманитарлық-заң инновациялық университетін «Құқықтану» мамандығы бойынша бітірген. Еңбек жолын «Таң» телекомпаниясы ақпараттық бағдарламасының корреспонденті болып бастаған, «НТК» телеарнасының шығарушы редакторы, «31-ші арнада» жауапты және бас редактор, «Хабар» агенттігінің ақпараттық бағдарламаларының редакторы-жетекші, «Qazaqstan» телеарнасының «1-студия» ток-шоуының жүргізушісі, «Нұр Медиа»Сыбайлас жемқорлыққа қарсы медиа орталығының басшысы болып жұмыс істеді. Баспасөз қызметінің басшысы, Оңтүстік Қазақстан облысы әкімі аппараты басшысының орынбасары, Оңтүстік Қазақстан облысы ішкі саясат және дін істері басқармасының басшысы, «Нұр Отан» партиясы төрағасының бірінші орынбасарының кеңесшісі, «Нұр Медиа» ЖШС Бақылау кеңесінің төрағасы, Министрдің кеңесшісі, ҚР Инвестициялар және даму министрлігі ақпараттық қамтамасыз ету департаментінің директоры, Жамбыл облысы ішкі саясат басқармасының басшысы қызметтерін атқарған. 2019 жылғы наурызда Мемлекет басшысының өкімімен Қазақстан Республикасы Президентінің баспасөз хатшысы болып тағайындалды. «Дарын» мемлекеттік жастар сыйлығының лауреаты.

Kaz.tengrinews.kz

Оқи отырыңыз...

Түркістан: Тігін фабрикасының алғашқы қазығы қағылды

14.08.2020

Түркістан полицейлері өте қауіпті cинтетикалық есірткіні тәркіледі

14.08.2020