Белгілі журналистер мерекеге орай «Қазақ журналистикасының қайраткері» атағына ие болды

Байланыс және ақпарат қызметкерлері күні қарсаңын­да өңіріміздің бірқатар журналистері Қоғамдық атақтар және марапаттар жөніндегі Республикалық кеңесі тағайындаған «Қазақ журналистикасының қайраткері» құрметті атағына ие болды.

Еліміздің руханияты мен мәдениетін және ұлттық құндылықтарымызды насихаттауға зор үлес қосып келе жатқан бір топ белгілі қаламгерлер – «Алғабас» аудандық газетінің бас редакторы, Қазақстан Журналистер одағының мүшесі Абзал Әділбеков, белгілі жуналист Шаһаризада Дәнеева, Қазақстанның Құрметті журналисі Ағабек Қазанбай, Қазақстан Журналистер одағының мүшесі, «Оңтүстік Қазақстан» облыстық газетінің белді қызметкері Серікқали Жексенбаев және «Жалын» журналының меншікті тілшісі, Қазақстан Жазушылар және Журналистер одағының мүшесі Сабырбек Олжабай «Қазақ журналистикасы­ның қайраткері» атағына ие болды.

Суретте: Абзал Әділбеков

Суретте: Шаһаризада Дәнеева

Суретте: Ағабек Қазанбай

Суретте: Серікқали Жексенбаев

Суретте: Сабырбек Олжабай

Қоғамдық атақтар және марапаттар жөніндегі Республикалық кеңестің төрағасы, «Президент және халық» газетінің бас редакторы Марат Тоқашбаев баспасөз айдынында белсене атсалысып жүрген әріптестеріне мұндай атақтар шабыт сыйлайды дейді.

Бұған дейін бұл атақты журналистика саласының қара нарлары иеленген болатын. Атап айтқанда «Қазақ журналистикасының қайрат­кері» атағын төртінші билік ақсақалдары, аға буын өкілдері Шер­хан Мұртаза, Ғаббас Қабышұлы, Нұрлан Оразалин, Көпен Әмірбек, Жұмабай Шаш­тай­ұлы,  Дулат Әбіш, Нұртілеу Иманғалиұлы, Сағатбек Медеубекұлы және тағы басқа­ла­ры.

Осынау төл мерекеде иеленген құрметті атағымен әріптестерімізді шын жүректен құттықтаймыз!