Достық велошеруі жолға шықты

Өзбекстандағы Қазақстан жылы аясында Шымкент қаласынан «Достық велошеруі» Ташкент қаласын бетке алып жолға шықты.

Шымкент қаласының əкімдігі мен дене шынықтыру жəне спорт басқармасының қолдауымен өткен шеруді ұйымдастыруға ҚР Велоспорт федерациясы ұйытқы болған. Сондықтан екі ел арасындағы ынтымақ пен бірлікті дəріптейтін велошеруге 200-ге жуық азамат қатысты.

Олардың арасында Шымкент қаласынан шыққан ерікті жастармен бірге велоспортты жанына серік еткен спортшылар бар. Сонымен бірге Өзбекстан Республикасынан келген велошерушілер де Əл-Фараби алаңынан бастау алған «Достық велошеруінің» қатарынан орын алды.

Осы орайда Шымкент қаласы əкімінің орынбасары Данат Жуминмен ҚР Велоспорт федерациясының вице президенті Райымбек Батталовтар құттықтау сөз сөйлеп барша велошеру қатысушыларына сəттілік тіледі. Мұнан соң «Достық велошеруінің» қатысушылары Əл-Фараби алаңындағы мəре сызығынан Ташкент қаласына дейін 130 шақырымдық қашықтықты бағындыру үшін жолға шықты. Айта кету керек   велошерушілердің сапары Ташкент қаласындағы ҚР-ның елшілігіне дейінгі аралықты қамтитын болады. Бастысы көршілес жатқан қос мемлекет арасындағы достықты дəріптей отырып  салауатты өмір салтын насихаттау жəне жас буынды велоспорт түріне баулу мақсатын ұстанған шараның маңызы  айрықша!

«Айғақ-ақпарат».