Бүгін, яғни 2018 жылы 4 желтоқсанда Астана уақыты бойынша 00:32 сағатта ғылыми-технологиялық мақсаттағы қазақстандық екі ғарыш аппараты (ҒТМ ҒА) ғарыш жүйелері — «KazSTSat» микроспутнигі мен «KazSciSat-1» наноспутнигі «Falcon 9» тасымалдағыш зымыранымен Вандерберг (АҚШ, Калифорния) ғарыш айлағынан ұшырылды. Ұшырылым штаттық режимде өтті.
ҒТМ ҒА мақсаты – жобалау технологияларын жетілдіру, жинау және төменгі орбиталы ғарыш аппараттарын сынау, Жер ионосфераларына ғылыми зерттеу жүргізу, технологиялық жүктемелер (меншікті әзірлемелердің қосалқы жүйелері) үшін ұшу тарихын алу.
Алғаш рет ғарыш аппараттарын құруға ҚР ҚАӨМ Аэроғарыш комитетінің қарамағындағы «Қазақстан Ғарыш сапары» ҰК» «Ғалам» ЖШС мен ҚР ҚАӨМ Аэроғарыш комитетінің қарамғындағы «Ғарыштық зерттеулер мен технологиялар Ұлттық орталығы» Ғарыштық техникалар мен технологиялар институты қатысты.
Айта кету керек, а.ж 23 қазанынан «Ғалам» ЖШС инженерлері «SSTL», «Spaceflight» және «SpaceX» компанияларындағы өздерінің әріптестерімен бірлесіп тасығыш зымыранның ғарыштық бастиек бөлігінің модуліне спутниктер орнатты.
Анықтама:
Технологиялық мақсаттағы ғарыштық аппарат:
- белсенді өмір сүру уақыты – 1жылдан кем емес;
- мультиспектралді режимдегі кеңістік рұқсаттамасы – 17,5 м;
- мультиспектралді каналдар – 3;
- массасы – 107 кг;
- қармау алабы – 250 км кем емес;
- бірдей нүктелерді түсірілім жасау жиілігі – 5-7 күн;
- орбита биіктігі – 570 км.
Ғылыми мақсаттағы ғарыштық аппарат:
- белсенді өмір сүру уақыт – 3айдан кем емес;
- ҒМ ҒА платформасы CubeSAT технологиялар базасында дайындалды
- тиімді жүктеме – Феррозондты магнитометр;
- мақсаты – ЖМП-ға табиғи және техногенді әсерін анықтау мақсатында Жердің магниттік қабатын (ЖМП) тұрақты түрде өлшеу;
- массасы – 5 кг;
орбита биіктігі – 570 км.
РН Falcon 9 – бұл америкалық «SpaceX» компаниясының орта класты «Falcon» сериялы зымыран-тасығышы, тасымалдағыш зымыранның бірінші сатысында орналасқан ол 9 Merlin сұйықтық зымыран қозғалтқышын қосады. «Spaceflight» компаниясы «Falcon» ТЗ ұшырылымдарының коммерциялық операторы болып табылады.
62 ұшырылымның 60-ы сәтті ұшырылды, олардың соңғылары а.ж 10 қыркүйегінде ұшырылды.
Әлемнің 17 еліне 64 ғарыш аппараттары (15 микроспутниктер және 49 наноспутниктер) жіберілді.
Осы ұшырылым АҚШ өндірісіндегі тасымалдағыш зымыранымен ұшырылатын спутниктер санынан рекордтық көрсеткішке ие болып табылады.
