«Айғақ»: Елбасы Түркістанда қандай тапсырмалар берді?

Мемлекет басшысы Түркістан облысының әлеуметтік-экономикалық даму мәселелері жөнінде кеңес өткізіп, Үкіметке және Әкімдікке бірқатар тапсырмалар берді.

Атап айтқанда:

 Облыстың қаржылық тұрақтылығын нығайтуға қатысты тиісті шараларды іске асыруды;

Өсімнің жаңа резервтерiн және өңір бюджетінiң кiрiс бөлігін толықтыру көзiн табуды;

Халықты жұмыспен қамту, кәсіпкерлікті өркендету, ауыл шаруашылығын дамыту, инвестиция тарту және көлік-логистика қызметтерінің сапасын арттыру үшін жағдай жасауды;

Үкіметке Түркістан облысының әкімдігімен бірлесіп, Өзбекстан тарапымен Халықаралық сауда аймағын және жаңа «Түркістан» халықаралық өткізу бекетін құруды;

Ішкі туризмді өркендету және тиісті туристік инфрақұрылым дайындауды;

Облысты дамыту және құрылыс жүргізу ісіне жергілікті бизнес өкілдерін, сондай-ақ ұлттық компаниялар мен квазимемлекеттік сектор кәсіпорындарының басшыларын белсенді атсалысуға шақырды;

Инвестиция тарту арқылы қала ішіндегі жолдарды жөндеуді;

 Шымкент және Қызылорда бағыттарына арналған автовокзал салуды;

Әкімдікке «Самұрық-Қазына» ұлттық әл-ауқат қорымен, Инвестициялар және даму министрлігімен бірлесіп, Түркістан қаласының теміржол вокзалын реконструкциялауды және аэропорт салуды;

Әлеуметтік нысандарды дамыту, тұрғын үй, білім беру және денсаулық сақтау мекемелерін салу, инженерлік инфрақұрылымды, соның ішінде газбен және жылумен қамтамасыз етуді;.

Баламалы энергия көздерін пайдалану мүмкіндігін қарастыруды;

Жаңа қонақ үйлердің, мейрамханалар мен дәмханалардың, сауда ойын-сауық орталықтарының және басқа да нысандардың құрылысын бастауды;

Түркістанда арнайы экономикалық аймақ құруды;

Түркістанды заманауи технологияларды қолдана отырып, өз мәдениетімізге сай қайта жаңғырту керек. Бұл орайда оның ежелгі сәулет өнерін сақтап қалуды;

Қаланың бас жоспарын дайындауды тапсырды.

Сонымен қатар, Елбасы облысқа қатысты қабылданған жол картасын сапалы әрі уақтылы жүзеге асыру, сондай-ақ облыстық басқару органдары тарапынан барлық мемлекеттік қызметтердің үздіксіз көрсетілуін қамтамасыз ету қажеттігін атап өтті.

Дайындаған: Айдар Дидар