«Менің Қазақстаным». Дәл осы тақырыпта Шырайлы Шымшаһарымыздың аспанында бір күн бойы Шәмшінің әндері қалықтады. Шараның шымылдығы Түркістан сарайының орталық концерт залында ән падишасы Шәмшінің әндері әуелеген гала-концертпен жабылды.
Шәмші әндері ерекше әуезділігімен, шарықтап шырқалуымен және жаныңды баурайтын лирикалық әуенмен ерекшеленеді. Сазгердің шығармашылық үлесі қазақстандық эстрадалық әндер әуенін ұлттық нақышпен байланыстыра білуінде болып табылады. Дәл осындай өткен мен нақты сұранытар дәстүрдің ғажайып үйлесімділігі оның шығармаларына деген орасан зор танымалдылықты сыйлады. Оның көптеген шәкірттері өздерінің ұлағатты ұстазының дәстүрін күні бүгінге дейін жалғастыруда. Бүгінгі концерт осының дәлелі іспеттес.
Ұлтымыздың ұлы композиторының өнегелі өмірі мен өнерін ту еткен, ән падишасы – Шәмші Қалдаяқовтың құрметіне арналған бүл дәстүрлі фестиваль осылайша жыл сайын дәл тамыз айында өз жалғасын табуда.
Ұлы сазгердің жүрек қылын тербейтін баға жетпес әндерін тыңдауға аға буын өкілдері ғана емес, жастар да көп жиылды. Барлығы да әсем әннің бесігінде тебеліп, ән ағаның бейнесін көз алдарына елестетті.
