Бүгін өткен Шымкент қалалық маслихаттың сессиясында білім саласында атқарылған жұмыстар туралы қала әкімінің орынбасары Қайрат Нұртайдың есебінде Шымкент қаласының білім саласына енгізілген жаңалықтар туралы мәлеметтерде талқыланды.
Шымкент қаласының білім саласында инновациялық жаңа технологиялар бойынша төмендегі жұмыстар атқарылуда:
Балаларды балабақшаға электронды қабылдау жүйесі;
Балаларды 1-сыныпқа электронды қабылдау және мектепаралық ауыстыру жүйесі;
Мұғалімдерді қабылдаудың электронды жүйесі «Thunter.kz»;
Мектепішілік электронды бақылау жүйесі «I-mektep.kz»;
«Оқушы төлқұжаты» электронды пилоттық жобасы.
Балаларды балабақшаға электронды қабылдау жүйесі.
Шымкент қаласы бойынша жалпы балабақша саны – 459, қамтылған бала саны – 69 764. Бүгінгі таңда, автоматтандырылған жүйе арқылы 30 683 бала электронды жолдама арқылы балабақшаларға орналасты.
Жүйенің негізгі мақсаттары:
— Кезек және топтағы бос орындар туралы мәліметтің ашықтығы;
— E-gov.kz, ХҚКО және garden.shymkent.edu.kz эл.портал арқылы кезеке тұру;
— Ата-аналардың СМС хабарлама түріндегі электронды жолдама (кезекке тіркелгендігі және жолдама алғандығы туралы) алуы.
* Балаларды 1-сыныпқа электронды қабылдау және мектепаралық ауыстыру жүйесі.
2017-2018 оқу жылына электронды жүйе бойынша қала мектептерінің 1-сыныбына 21 863 оқушы қабылданды.
Жүйенің негізгі мақсаттары:
— сыбайлас жемқорлыққа жол бермеу;
— ата-аналардың білім мекемелерін (білім сапасы, материалдық базасы және т.б. мәліметтерді сайттан көру) ашық портал арқылы таңдау мүмкіндігі;
— мектепке баланы интернет желісі арқылы қабылдау.
* Мұғалімдерді қабылдаудың электронды жүйесі «Thunter.kz».
2017 жылдан бастап Шымкент қаласындағы білім беру мекемелеріне мұғалімдерді қабылдау кезінде ашықтық, әділдік қағидаларын насихаттау үшін конкурс негізінде іріктеу жүргізуге арнайы жүйе құрылды.
Бүгінгі күнге дейін конкурстық жүйе бойынша 2 374 өтініш қабылданып, 831 конкурстық комиссия өткізіліп, 650 маман жұмысқа қабылданды.
2017 жылы – мектеп мұғалімдерін қабылдау қосылды.
2018 жылы – балабақша қызметкерлерін қабылдау қосылды.
* Мектепішілік электронды бақылау жүйесі «I-mektep.kz».
Жасөспірімдер арасындағы құқықбұзушылықтың алдын-алу мақсатында «I-mektep.kz» электронды мектеп журналы құқықбұзушылық көп орын алатын 40 мектепке орнатылды. Бұл қызметтің негізгі мақсаты:
— мектеп әкімшілігі, ата-аналар және бақылаушы органдар үшін – оқушылардың сабаққа қатысуын онлайн түрде бақылау;
— Мектеп – ата-ана – оқушы арасындағы байланысты нығайту;
— Оқушылардың сабаққа қатысуы, оқу үлгерімі мен тәртібінің көрсеткіштерін электронды түрде бақылау және сапасын арттыру.
Нәтижесінде, аталған жүйе орнатылған мектептерде құқықбұзушылық көрсеткіші 90 пайызға, сабақтан себепсіз қалу 22 384-тен 2 189-ға төмендеп, білім сапасы 12 пайызға (41%-дан 53%-ға) жоғарылады.
* «Оқушы төлқұжаты» электронды пилоттық жобасы.
Жасөспірімдер арасындағы құқықбұзушылықтың алдын алу бойынша
«Қайнар-бұлақ» тұрғын алабындағы №125 мектепте «Оқушы төлқұжаты» атты электронды пилоттық жобасы басталды.
Жоба аясында мектепке турникеттер мен таным бейнекамералары орнатылып, карточкалық жүйеге ену арқылы білім мекемесіне кіру, шығу, түрлі төлемақыларды жүзеге асыру қызметін атқаратын болады. Нәтижесінде, оқушылар арасында әлімжеттілікке бару, ақша талап ету, бопсалау сынды келеңсіздіктерге жол берілмейді.
Дайындаған:Айдар Дидар
