Брюссельдің бірінші инстанциядағы соты Қазақстан Республикасының Ұлттық қоры активтерінің шамамен 21,5 миллиард АҚШ доллары сомасынан алдын ала тыйым салуды жойып, 530 миллион доллар көлеміндегі қалған қаражаттан шектеуді ағылшын соттарында алып тастау туралы қаулы шығарды, деп хабарлайды Baq.kz ақпарат агенттігі ҚР Әділет министрлігінің баспасөз қызметіне сілтеме жасап.
2010 жылы сотісін бастаған молдавалық кәсіпкерлер Анатол мен Габриель Стати Швециядағы төрелік арқылы Қазақстаннан 4 миллиард доллар талап етті, алайда оларға 500 миллион доллар ғана ұйғарылды. Осы қаражаттың ішінен 199 миллион АҚШ доллары газ өңдеу зауыты құрылысына кеткен шығындармен байланысты болған тәрізді.
Кейіннен АҚШ-та бөлек сот процедурасы арқылы алынған құжаттар арқылы Қазақстан Статидің талаптары ірі алаяқтыққа негізделгендігі жөнінде дәлелдер алды. Англияның Жоғарғы соты ұсынылған дәлелдерді қарап, өткен жылдың маусым айында төрелік шешімнің алаяқтық жолмен алынғандығы туралы дәлелдер бар екенін анықтап, 2018 жылдың қазан айына алаяқтық бойынша тыңдалым өтетіні туралы шешім қабылдады.
Осыдан кейін Стати жеті елде мәжбүрлі түрде орындау бойынша теңдесі жоқ науқан бастап, Қазақстанның Ұлттық банкіне және Ұлттық қорға тиесілі 22 миллиард доллардан астам сома көлеміндегі активтерге алдын ала тыйым салуға қол жеткізді. Бұл сома олардың талаптарынан анағұрлым асып түседі. Бельгиялық сот уақытша тыйым салу туралы Статидің талаптарын орындамай, уақытша тыйым салу Статидің талап еткен сомасымен шектелуі керек екендігі туралы қаулы шығарды. Бұл Қазақстанның Ұлттық банкіне тиесілі шамамен 21,5 миллиард АҚШ доллары мөлшеріндегі активтерінен шектеуді алып тастауға әкеледі.
Бұдан басқа, бельгиялық соттың ұйғаруынша, тыйым салу үшін негіздің бар-жоқтығын нақ ағылшын соттары шешуі тиіс. Қазақстан Республикасы мен Қазақстанның Ұлттық банкі тыйым салынған қаражаттың қалған бөлігінен шектеуді алып тастау үшін Англияда тиісті әрекеттер қабылдайтын болады.
«Тыйым салынатын қаражатты ұлғайту және бұл ретте үшінші тұлғаларды қамтуға бағытталған Статидің стратегиясына сызат түсті. Статидің стратегиясы бастапқыдан елімізге қысым көрсетуге бағытталған», — дейді ҚР әділет министрі Марат Бекетаев.